मेचीनगरको बेरुजु रकम ८१ करोड ३० लाख नाघ्यो

स्थानीय

गृहपृष्ठ
स्थानीय

मेचीनगरको बेरुजु रकम ८१ करोड ३० लाख नाघ्यो

सेतोपत्र डेस्क सोमबार, असार ९, २०८२

झापा, असार ९ । झापाको मेचीनगर नगरपालिका कार्यालयको कुल बेरुजु रकम ८१ करोड ३० लाख ४१ हजार ४८७ पुगेको छ । महालेखा परीक्षकको कार्यालयले जारी गरेको मेचीनगरको लेखा परिक्षण प्रतिवेदन अनुसार गत आर्थिक बर्ष २०८०/०८१ मा मात्रै मेचीनगरमा २२ करोड ५६ लाख १२ हजार १२७ रुपैयाँ बेरुजु देखिएको छ ।

आव ८०/०८१ मा २३ करोड ४६ लाख ९३ हजार ५८८ रुपैयाँ बेरुजु देखिएकोमा ९१ लाख ३ हजार ५८२ रुपैयाँ प्रक्रियाबाट फच्र्यौट भएको र २२ हजार १२१ रुपैयाँ प्रक्रियाबाट थप भएकोले गत आर्थिक बर्षको मात्रै बेरुजु रकम २२ करोड ५६ लाख १२ हजार १२७ रुपैयाँ रहेको महालेखा परीक्षकको कार्यालयको प्रतिवेदनमा उल्लेख गरिएको छ ।

महालेखाको प्रतिवेदनमा उल्लेख भएको मेचीनगरको बेरुजुको विवरण ।

महालेखाका अनुसार मेचीनगर नगरपालिका कार्यालयको पुरानो बाँकी रहेको बेरुजु ५८ करोड ७४ लाख २९ हजार ३६० रुपैयाँ रहेको छ । गत आर्थिक बर्षको २२ करोड ५६ लाख १२ हजार १२७ रुपैयाँ थप भए पछि मेचीनगरको अहिलेसम्मको कुल बेरुजु ८१ करोड ३० लाख ४१ हजार ४८७ रुपैयाँ पुगेको छ । पछिल्लो एक बर्षमा मेचीनगरले २ करोड ४८ लाख ६६ हजार ४६ रुपैंया बेरुजु फच्र्यौट गरेको महालेखाको प्रतिवेदनमा उल्लेख छ ।

महालेखाले मेचीनगरका केही कमजोरी पनि औंल्याएको छ । महालेखाको प्रतिवेदनमा लेखिएको छ,‘यो नगरपालिकाको लेखापरीणबाट स्रोत र साधनको प्राप्तीको प्रक्षेपण यथार्थपरक नभएको, लक्ष्यअनसुार असलु नभएको, कर्मचारीको दरबन्दी अनसुार स्थायी पदपूर्ती नभएका कारण विकास निर्माण र सेवा प्रवाहमा असर परेको, अनदुानको पर्याप्त अनगुमन नभएको, आन्तरिक नियन्त्रण प्रणाली कमजोर रहेको लगायतका बेहोरा यस लेखापरीक्षण प्रतिवेदनमा औंल्याइएको छ ।’

प्रकाशित मिति: सोमबार, असार ९, २०८२ ०८:२०

प्रतिक्रिया दिनुहोस्