विश्वप्रकाशले भने ‘शहिद मार्गको क्वालिटि भएन’ (भिडियो सहित)

स्थानीय

गृहपृष्ठ
स्थानीय

सेतोपत्र डेस्क सोमबार, असार २, २०८२

धुलाबारी, असार २ । झापा क्षेत्र नं. १ का प्रतिनिधि सभा सदस्य विश्वप्रकाश शर्माले धुलाबारीस्थीत निमार्णाधिन शहिद मार्गको गुणस्तरमाथि प्रश्न उठाउनु भएको छ । धुलाबारी खानेपानी उपभोक्ता समितिको नयाँ टेंकी निर्माणको शिलान्यास कार्यक्रममा बोल्दै सांसद शर्माले भन्नुभयो, ‘धुलाबारीदेखि उत्तरको वाल्र्ड बैंकको सहयोगमा निर्माण भइरहेको बाटोको क्वालिटि भएन ।’

शर्माले आफुले बाटोको स्थलगत अवलोकान गर्दा निर्माणमा गुणस्तर नपुगेको बताउनु भयो । वल्र्ड बैंकको बाटो के गरेको, वहाँले भन्नुभयो, ‘क्वालिटि त हुँदै भएन, नागरिकको घर पस्न सहज भएन, सहज बनाउनु पर्छ ।’ वहाँले कार्यक्रममासंगै सहभागि हुनु भएका मेचीनगरका नगरप्रमुखको समेत ध्यानाकर्षण गराउनु भएको छ ।

समस्या नगरको नेतृत्वले नै समाधान गर्नु पर्ने भन्दै समस्या समाधानका लागि आफुले काहाँ कस्तो सहयोग गर्नु पर्ने हो त्यो गर्न आफु तयार रहेको समेत सांसद शर्माले बताउनु भयो । ‘क्वालिटिमा नो कम्परमाईज,’ वहाँले भन्नुभयो, ‘सरकारले वल्र्ड बैंकलाई व्याज सहित ऋण तिर्नु पर्ने पैसा हो त्यसैले के के गरेर हुन्छ बाटो राम्रो बनाउनु पर्छ ।’ वहाँले मेचीनगर ९ र १० का वडा अध्यक्षहरुलाई समेत समस्या समाधान गरेर गुणस्तरिय बाटो निर्माण गर्न अग्रसरता देखाउन आग्रह गर्नु भयो ।

धुलाबारी चोकदेखि उत्तर तर्फ मेचीनगर वडा नं. ९ र १० मा पर्ने शहिद मार्गको ५ किलोमिटर ४७० मिटर सडक २७ करोड २१ लाख ३ हजार ९३१ रुपैया लागतमा निर्माण भइरहेको शहिद मार्ग २०८२ असार मसान्तसम्ममा निर्माण सम्पन्न गरिसक्नु पर्ने गरी निर्माण व्यवशायीसंग नगरपालिकाले सम्झौता गरेको छ । तर धुलाबारी बजार क्षेत्रको करीब एक किलोमिटर सडक निर्माणाधिन अवस्थामा नै स्थगित भएको छ भने मेचीनगर ९ तर्फको सडकमा भने अधिकाशं ठाउँमा कालोपत्रे भइसकेको छ । सडक कालोपत्रे भए पछि शहिद मार्गमा जोडिने कुनै पनि घरमा सवारी साधन सहजै प्रवेश गर्न नसक्ने अवस्था छ ।