गर्मीले झापाको जनजीवन अस्तव्यस्त: तिन पालिकामा गर्मीको बिदा

स्थानीय

गृहपृष्ठ
स्थानीय

गर्मीले झापाको जनजीवन अस्तव्यस्त: तिन पालिकामा गर्मीको बिदा

सेतोपत्र डेस्क बुधबार, जेठ २९, २०८२

झापा,जेठ २८ । झापामा केही दिनयता बढ्दो गर्मीले जनजीवन अस्तव्यस्त बनाएको छ।मध्याह्नपख अधिकतम तापक्रम ३८ देखि ४० डिग्री सेल्सियसको हाराहारीमा पुग्न थालेको छ । चर्को घाम र तापक्रमले बजारको चहलपहलदेखि शैक्षिक संस्था र सरकारी कार्यालयसम्म असर पु¥याएको छ। गर्मीको कारण बिहान र बेलुकाबाहेक अन्य समयमा सडकमा मानिसको आवागमन निकै घटेको छ।

विद्यालयमा विद्यार्थीको उपस्थिति पातलिएको छ भने सरकारी कार्यालयमा पनि सेवाग्राहीको चाप घटेको छ। अत्यधिक गर्मीले किसानहरुलाई पनि प्रभावित पारेको छ। गर्मीका कारण दैनिक ज्यालादारी गर्ने मजदुरहरूको जनजीवन कष्टकर बनेको छ।

अत्यधिक गर्मी बढेपछि झापाका तिन पालिकाले गर्मीको बिदा दिएका छन् । बिर्तामोड नगरपालिका र दमक नगरपालिकाले भोली र पर्सि दुइ दिनका लागि गर्मीको बिदा दिएको छ । अत्यधिक गर्मीका कारण पठनपाठन गर्न कठिनाई भए पछि पालिकाहरुले हिउँदे बर्खे बिदामा मिलान हुने गरि बिदा दिइएको हो । यसअघि कमल गाँउपालिकाले आज र भोलीका लागि गर्मीको बिदा दिएको थियो ।

प्रकाशित मिति: बुधबार, जेठ २९, २०८२ १४:१२

प्रतिक्रिया दिनुहोस्