कोशी पर्यटन वर्ष भोलिबाट सुरु हुदै

स्थानीय

गृहपृष्ठ
स्थानीय

सेतोपत्र डेस्क मंगलबार, चैत २६, २०८१

झापा,चैत्त २६ । कोशी प्रदेश सरकारले मनाउन लागेको पर्यटन वर्ष २०८२ को उद्घाटन भोलि बुधबार हुँदैछ । एक वर्षसम्म मनाइने पर्यटन वर्षको उद्घाटन प्रधानमन्त्री केपी शर्मा ओलीले गर्नुहुनेछ ।

प्रदेशको विकास र पर्यटन प्रवद्र्धनका लागि कोशी प्रदेशको पर्यटकीय क्षेत्र तीनजुरे मिल्के क्षेत्रबाट पर्यटन वर्षको शुभारम्भ हुनेछ ।

मूल आयोजक समितिका अध्यक्ष तथा कोशी प्रदेशका मुख्यमन्त्री हिक्मतकुमार कार्कीले कोशी प्रदेशको पर्यटन प्रवद्र्धन गर्ने लक्ष्यसहित पर्यटन वर्ष मनाउन लागिएको बताउनभयो ।

पर्यटन वर्षमा कोशी प्रदेश सरकारले भारतबाट आउने पर्यटकलाई असजिलो हुन नदिनका लागि नाकाहरूमा आन्तरिक मामिला तथा कानुन मन्त्रालयको तयारीमा पर्यटकीय बस तथा सवारी साधनलाई स्टिकर लगाइदिने तयारी गरेको छ ।

स्टिकर लगाएको सवारी साधनमा आउने र जाने मिति तोकेपछि बीच बाटोमा चेकजाँच नगर्ने तयारी छ ।

प्रकाशित मिति: मंगलबार, चैत २६, २०८१ १२:०१