मेचीनगरको माँ सरस्वती विद्यालयमा शिक्षण सिकाइको परियोजना सुरु

स्थानीय

गृहपृष्ठ
स्थानीय

सेतोपत्र डेस्क आइतबार, चैत १७, २०८१

परियोजना सम्झौता पत्र हस्ताक्षर कार्यक्रममा माँ सरस्वती एकाडेमीको व्यवस्थापन समूह र इनोभेटिभ सेन्टरका प्रवन्ध निर्देशक नगरकोटी ।

झापा, चैत १७ । झापाको मेचीनगर ९ स्थीत माँ सरस्वती एजुकेशन फाउण्डेशन अँग्रेजी विद्यालयले वालवालिकाहरुको शिक्षण सिकाइमा सुधार गर्ने गरी परियोजना सुरु गरेको छ । हेटौंडाको नवोदय इनोभेटिभ सेन्टरसंगको सहकार्यमा साना कक्षाका विद्यार्थीलाई सिकाईमा आधारित शिक्षण गराउने परियोजना सुरु गरेको माँ सरस्वती एजुकेशन एकाडेमीका प्रिन्सिपल दिपेन्द्र प्रधानले बताउनु भयो ।

प्रिन्सिपल प्रधानका अनुसार इनोभेटिभ सेन्टर र माँ सरस्वती एकाडेमीबीच एक बर्षका लागि परियोजना सञ्चालनका लागि सम्झौता भएको छ । परियोजना सञ्चालन गर्ने गरी चैत १४ गते झापाको धुलाबारीमा माँ सरस्वती एजुकेशन एकाडेमी र नवोदय इनोभेटिभ सेन्टरबीच सम्झौता पत्रमा हस्ताक्षर भएको प्रिन्सिपल प्रधानले बताउनु भयो । सम्झौता पत्रमा प्रिन्सिपल श्रेष्ठ र इनोभेटि सेन्टरका प्रवन्ध निर्देशक नरेन्द्र कुमार नगरकोटीले हस्ताक्षर गर्नु भएको छ ।

सम्झौता पत्र एक अर्कामा आदानप्रदान गर्दै प्रिन्सिपल प्रधान र इनोभेटिभका प्रवन्ध निर्देशक नगरकोटी ।

कक्षा १ देखि कक्षा ५ सम्मका विद्यार्थीलाई सिकाइमा आधारित शिक्षण गराउने गरी नवोदय इनोभेटिभ सेन्टरले सहजिकरण गर्ने प्रधानले बताउनु भयो । ‘सिकाइलाई क्रियाकलापमुखी बनाउने योजना ल्याएका हौं,’ प्रिन्सिपल प्रधानले भन्नुभयो, ‘वालवालिका बोल्न सक्ने हुनु पर्छ र क्रमश देखेको कुरा बुझ्ने र लेख्न सक्ने बनाउँछौं ।’ ‘पढ्न नसक्ने विद्यार्थीलाई एक बर्षभित्रमा पढ्न सक्ने बनाउँछौं,’ इनोभेटिभ सेन्टरका प्रवन्ध निर्देशक नगरकोटीले भन्नुभयो, ‘वालवालिकामा पढाई प्रति रुची बढाउँछौं, किताबसंग प्रेम जगाउने उद्देश्य लिएर यो काम गरिरहेका छौं ।’

सुरुमा कक्षा १ देखि ५ सम्म शिक्षण सिकाईमा काम गर्ने र आवश्यकता अनुसार कक्षा ९ सम्मका वालवालिकाहरुलाई पनि परियोजना अन्तर्गत रहेर सिकाईमा सहजिकरण गर्ने नगरकोटीले बताउनु भयो । पछिल्लो समय किताबप्रति वालवालिकाहरुको रुची घट्नेक्रममा रहेकाले त्यसलाई सुधार गरी उनीहरुको उज्वल भविश्यका लागि विद्यालयले अतिरिक्त लगानी गरेरै भए पनि सिकाई सम्बन्धी परियोजना सुरु गर्न लागेको प्रिन्सिपल प्रधानले बताउनु भयो । वहाँका अनुसार यो परियोजना नयाँ शैक्षिक सत्रको सुरुदेखि नै सञ्चालनमा आउने छ ।

प्रकाशित मिति: आइतबार, चैत १७, २०८१ १२:२५