कुलमानको रिट सर्वोच्चमा दर्ता, पहिलो पेसी भोली

देश

गृहपृष्ठ
देश

सेतोपत्र डेस्क बिहीबार, चैत १४, २०८१

झापा,चैत १३ । नेपाल विद्युत प्राधिकरणको प्रबन्ध निर्देशकबाट आफूलाई गैरकानुनी रुपमा हटाएको भन्दै कुलमान घिसिङले सर्वोच्च अदालतमा पेस गर्नुभएको रिट दर्ता भएको छ ।

सरकारको निर्णय बदर गर्दै आफूलाई प्राधिकरणको प्रबन्ध निर्देशकमा थमौती गर्ने अन्तरिम आदेश माग गर्दै घिसिङ सर्वोच्च अदालत पुग्नुभएको हो । रिटको पहिलो पेसी भोलिका लागि तोकिएको छ ।

रिटमा प्रधानमन्त्री तथा मन्त्रिपरिषद्को कार्यालय, ऊर्जा मन्त्रालय र नेपाल विद्युत प्राधिकरणका नवनियुक्त प्रबन्ध निर्देशक हितेन्द्र देव शाक्यलाई विपक्षी बनाइएको छ। सोमबार बसेको मन्त्रिपरिषद्को बैठकले घिसिङलाई बर्खास्त गर्दै प्राधिकरणको प्रबन्ध निर्देशकमा शाक्यलाई नियुक्त गर्ने निर्णय गरेको थियो ।

२०७८ साउन २५ गते सोमबार बसेको मन्त्रिपरिषद्को बैठकले घिसिङलाइ नेपाल विद्युत प्राधिकरणका प्रबन्ध निर्देशकको रुपमा दोस्रो पटक जिम्मेवारी दिएको थियो । ४ वर्षका लागि नियुक्त गरेकोमा दोस्रो कार्यकाल पूरा नहुँदै सरकारले घिसिङलाइ हटाएको हो ।

प्रकाशित मिति: बिहीबार, चैत १४, २०८१ १३:३१