‘रोमियो जुलियट’ कानूनका बारेमा छलफल गर्दै सरकार

राजनिति

गृहपृष्ठ
राजनिति

‘रोमियो जुलियट’ कानूनका बारेमा छलफल गर्दै सरकार

सेतोपत्र डेस्क सोमबार, चैत १०, २०८१

झापा, चैत ११ । विवाह गर्ने उमेरका बिषयमा रोमियो जुलियट कानूनका बारेमा सरकारले छलफल गरिरहेको छ । प्रतिनिधिसभाअन्तर्गतको कानुन, न्याय तथा मानव अधिकार समितिको आइतबारको बैठकमा गृहमन्त्री रमेश लेखकले विवाहको उमेर घटाउने कि रोमियो जुलियट कानून ल्याउने भन्ने बिषयमा छलफल चलिरहेको बताउनु भएको छ । समितिको बैठकमा गृहमन्त्री लेखकले विवाह गर्ने उमेर सम्बन्धी कानुन संशोधनका लागि विधेयक तयार भएको जानकारी दिनुभयो । उहाँले विवाहको उमेर १८ वर्ष बनाउने वा रोमियो जुलियट कानुन ल्याउने भन्नेबारे सरकार छलफलमा रहेको बताउनु भयो ।

‘रोमियो जुलियट ल’ मा १६ देखि १८ वर्षबीचको उमेरमा शारीरिक सम्बन्ध भएमा प्रेम सम्बन्धका रुपमा व्याख्या गरी कानुनी मान्यता दिने अभ्यास विभिन्न देशमा भइरहेको गृहमन्त्रीको भनाइ थियो । ‘मन्त्रिपरिषद्मा बालबालिका सम्बन्धी ऐनलाई संशोधन गर्न संशोधन विधेयक तयार भएको छ । त्यो संशोधन विधेयकमा विवाहको उमेर घटाउने हो कि भनेर हामी छलफल गरिरहेका छौँ । संसदीय समितिको पनि धारणा त्यसअनुरुप आएको हुनाले अब यसमा दुई वटा उपाय छन,ु उहाँले भन्नुभयो, ‘एउटा विवाहको उमेर घटाउने कुरा छ, यसलाई १८ मा लैजाऔँ भन्नेकुरा छ र अर्को अन्तर्राष्ट्रिय अभ्यास अनुसार रोमियो जुलियट ल ल्याउने हो । धेरै ठाउँमा त्यो कानुनलाई कार्यान्वयन गरिएको छ ।’

गृह मन्त्रीले भन्नुभयो, ‘रोमियो जुलियट कानूनमा के हुन्छ भने १८ वर्षको विवाहको उमेर तोक्यो मानौँ, १६ वर्ष र १८ वर्षको बीचमा पनि उनीहरूको शारीरिक सम्बन्ध भयो भने त्यसलाई पनि रेप आदि इत्यादि मान्न मिल्दैन, यो त माफी दिन सकिने कुरा हो, एउटा प्रेम सम्बन्धले त्यो ठाउँमा पुर्यायो भन्ने खालको अवधारणा रोमियो जुलियट कानूनमा छ र केही देशले यो कार्यान्वयनमा ल्याएका छन ।’
नेपालमा हाल विवाह गर्ने उमेर २० वर्ष हुनुपर्ने कानुनी व्यवस्था छ ।

प्रकाशित मिति: सोमबार, चैत १०, २०८१ ०७:२४

प्रतिक्रिया दिनुहोस्