ताप्लेजुङको फुङलिङमा अनिश्चितकालीन निषेधाज्ञा

स्थानीय

गृहपृष्ठ
स्थानीय

ताप्लेजुङको फुङलिङमा अनिश्चितकालीन निषेधाज्ञा

सेतोपत्र डेस्क आइतबार, फागुन ११, २०८१

ताप्लेजुङ,फागुन ११ । पाथीभरामा केबलकार निमार्णको बिषयले हुलदंगा र झडपको वातावरण बढ्दै गएपछि ताप्लेजुङ जिल्ला प्रशासन कार्यालयले फुङलिङ नगरपालिका बजार क्षेत्रमा कफ्र्यु लगाएको छ ।

शनिबार भएको झडपपछि सुरक्षा अवस्था संवेदनशील बनेको भन्दै प्रमुख जिल्ला अधिकारी नेत्रप्रसाद शर्माले स्थानीय प्रशासन ऐन अनुसार कर्फ्यु जारी गर्नुभएको हो । आज बिहान ५ बजेदेखि अर्को आदेश नभएसम्म पाँच जनाभन्दा धेरै मानिस भेला हुन, सभा, जुलुस, प्रदर्शन वा घेराउ जस्ता कार्यक्रम गर्न निषेध गरिएको छ । आदेश उल्लङ्घन गर्ने वा पालनामा अवरोध गर्ने मानिस वा समूहलाई कानूनअनुसार कारबाही गर्ने प्रशासनले चेतावनी दिएको छ ।

शनिबार साँझ फुङलिङमा ‘नो केबलकार समूह’ र प्रहरीबीच भएको झडप पछि प्रशासनले योे कदम चालेको हो । झडपमा सुरक्षाकर्मीतर्फ ११ जना र आन्दोलनकारीतर्फ १२ जना गरि २३ जना घाइते भएको जिल्ला प्रहरी कार्यालय ताप्लेजुङका प्रमुख डीएसपी रवि रावलले जानकारी दिनुभयो ।

प्रकाशित मिति: आइतबार, फागुन ११, २०८१ १४:५०