नेपाली काँग्रेस मेचीनगरद्वारा दश विभाग गठन

राजनिति

गृहपृष्ठ
राजनिति

सेतोपत्र डेस्क शनिबार, माघ १९, २०८१

धुलाबारी, माघ १९ । नेपाली काँग्रेस मेचीनगर समितिले विभिन्न दश वटा विभागहरू गठन गरेकाे छ ।

नगर सभापति सुवेशकुमार पनेरूकाे अध्यक्षतामा शनिवार बसेकाे नगर पदाधिकारी बैठकले विभागहरू प्रमुख ताेकेकाे काँग्रेस मेचीनगरका सचिव मनाेज घिमिरेले जानकारी दिनु भयाे ।

नगर समितिकाे निर्णय अनुसार संगठन विभागकाे प्रमुखमा धनकाजी खत्रीलाई जिम्मेवारी दिएकाे छ भने भात्रि तथा संघ संस्था समन्वय विभागकाे प्रमुखकाे जिम्मेवारीमा याेगेन्द्र थापा मगरलाई ताेकीएकाे छ ।

त्यस्तै सूचना तथा सञ्चार विभागकाे प्रमुख मनाेज घिमिरे, प्रसाशन समन्वय विभागकाे प्रमुखमा मुकेश लिम्बु, आर्थिक व्यवस्थापन विभागकाे प्रमुखमा भुमि पाैडेललाई जिम्मेवारी दिईएकाे छ ।

त्यसैगरी महिला समन्वय विभाग प्रमुखमा रिता घिमिरे, युवा परिचालन विभाग प्रमुखमा सन्ताेस मेचे, खेलकुद विभाग प्रमुखमा नाेबेम्बर नेम्वाङ, कृषि विभाग प्रमुखमा बद्री कार्की र ट्रेड युनियन विभाग प्रमुखमा बिष्णु गाैतमलाई जिम्मेवारी दिईएकाे नगरसचिव घिमिरेले जानकारी दिनु भयाे ।

घिमिरेका अनुसार माघ महिनाकाे पहिलाे साता बसेकाे नगर समितिकाे पुर्ण बैठकले विभाग गठन गर्ने जिम्मेवारी पदाधिकारीलाई दिएकाले साेही अनुसार गरिएकाे हाे ।

प्रकाशित मिति: शनिबार, माघ १९, २०८१ १९:०६