रास्वपा सभापति लामिछानेलाई थप ५ दिन थुनामा राख्न अदालतको अनुमति

राजनिति

गृहपृष्ठ
राजनिति

रास्वपा सभापति लामिछानेलाई थप ५ दिन थुनामा राख्न अदालतको अनुमति

सेतोपत्र डेस्क बिहीबार, मंसिर २७, २०८१

झापा,मंसिर २७। राष्ट्रिय स्वतन्त्र पार्टी (रास्वपा) का सभापति रवि लामिछानेलाई थप पाँच दिन थुनामा राख्न अदालतले अनुमति दिएको छ ।

सहकारी ठगी, सङ्गठित अपराध एवम् सम्पत्ति शुद्धीकरणसम्बन्धी अनुसन्धानका क्रममा ५७ दिनदेखि प्रहरी हिरासतमा रहेका रास्वपाका सभापति रवि लामिछानेलाई थप पाँच दिन अनुसन्धान गर्न कास्की जिल्ला अदालतले अनुमति दिएको हो । न्यायाधीश चन्द्रकान्त पाैडेलको इजलाशले लामिछानेलाई सातौं पटक हिरासतमा राख्ने म्याद थप गरेको हो ।

लामिछानेमाथिको अनुसन्धान अन्तिम चरणमा पुगेकाले अब मुद्दा दर्ता गर्ने तयारी गरिएको सरकारी वकिलको कार्यालयले जनाएको छ ।

गएको कात्तिक २ गते काठमाण्डौबाट पक्राउ परेका लामिछानेमाथि अनुसन्धानका लागि शुरूमा ६ दिन, त्यसपछि सात दिन, १० दिन, १३ दिन, १५ दिन र चार दिन म्याद थप गरेर अनुसन्धानपछि यस पटक पाँच दिन म्याद थप भएको हो ।

पूर्वउपप्रधान एवम् गृहमन्त्रीसमेत रहेका लामिछानेविरुद्ध चितवन, पर्सा, काठमाण्डौ, रुपन्देही र पर्सामा सहकारी ठगीको अनुसन्धानका लागि पक्राउ गर्न अदालतले अनुमति दिएकोमा सबै जिल्लामा बयान सकिएको छ ।

प्रकाशित मिति: बिहीबार, मंसिर २७, २०८१ १५:०८

प्रतिक्रिया दिनुहोस्