दमक गौहत्या प्रकरण : तीन भुटानी शरणार्थीसहित ४ जना पक्राउ

स्थानीय

गृहपृष्ठ
स्थानीय

दमक गौहत्या प्रकरण : तीन भुटानी शरणार्थीसहित ४ जना पक्राउ

सेतोपत्र डेस्क आइतबार, भदौ २३, २०८१

झापा,भदौ २३ । झापाको दमकमा गौहत्याको आरोपमा प्रहरीले तीन जना भुटानी शरणार्थीसहित ४ जनालाई पक्राउ गरेको छ । जिल्ला प्रहरी कार्यालयका अनुसार दमक नगरपालिका–२ का लक्ष्मण विष्टले पालेको गर्भिणी गाई चोरी गरी काटेको आरोपमा चार जनालाई पक्राउ गरिएको हो ।

प्रहरीले दमक नगरपालिका वडा नं. २ बेलडाँगीस्थित भुटानी शरणार्थी शिविर क्याम्प नं. २ छाप्रो नम्बर ३३२ बस्ने ४४ वर्षीय प्रेम बहादुर बिष्ट, दमक नगरपालिका वडा नं. ३ बेलडाँगीस्थित भुटानी शरणार्थी शिविर क्याम्प नं. ३ छाप्रो नम्बर ए ३–२०८ बस्ने ३८ वर्षीय खगेन्द्र दुलाल, सोही क्याम्पको छाप्रो नम्बर ए ३– १२० मा बस्ने ३२ वर्षीय विधान थापा र दमक नगरपालिका वडा नं. ४ बस्ने ४५ वर्षीया गिता श्रेष्ठलाई पक्राउ गरेको हो ।

उनीहरूको साथबाट घरेलु हतियारसमेत बरामद भएको छ । चार जना अभियुक्तलाई गौहत्या सम्वन्धी कसुरमा मुद्दा चलाइने प्रहरीले जनाएको छ

प्रकाशित मिति: आइतबार, भदौ २३, २०८१ १६:५९