बिरामी आमा भेट्न ओमानका लागि उडे सञ्जय

स्थानीय

गृहपृष्ठ
स्थानीय

बिरामी आमा भेट्न ओमानका लागि उडे सञ्जय

सेतोपत्र डेस्क आइतबार, भदौ २३, २०८१

विमानस्थलबाट सञ्जयलाई विदाई गर्दै काेईराला र दाहाल ।

झापा, भदाै २३ । लामो समयदेखि अचेत अवस्थामा ओमन देशमा उपचार भइहरेकी आमा भेट्न झापा मेचीनगरका सञ्जय कवँर आज ओमनका लागि प्रस्थान गरेका छन ।

एयर अरेबियाकाे जहाजबाट आज बिहान ८:५५ बजे सञ्जय ओमनका लागि उडेकाे नेपाली काँग्रेस झापा १ काठमाण्डाै सम्पर्क समितिका सभापति प्रज्वल काेइरालाले जानकारी दिनु भयाे ।

सभापति काेईराला र नेविसंघ झापा काठमाण्डाै सम्पर्क समितिका सभापति चाेलेन्द्र दाहालले काठमाण्डाैस्थीत त्रिभुवन अन्तराष्ट्रिय विमानस्थल पुगेर सञ्जयलाई विदाई गर्नु भयाे ।

ओमनकै अस्पतालमा विगत एक बर्षभन्दा बढी समयदेखि उपचारकै क्रममा रहेकाले मेचीनगर १० कवँर बस्तीकी सञ्चयकी आमा विनादेवी कवँरलाई तत्काल नेपाल ल्याउन सम्भव नभए पछि झापा क्षेत्र नं. १ का सांसद विश्वप्रकाश शर्माको बिषेश पहलमा छोरा सञ्जयलाई नै आमालाई भेट्न ओमन पठाइएकाे हाे ।

नेपाली काँग्रेसका महामन्त्री सांसद शर्माको समन्वयमा ओमन स्थीत नेपाली राजदुत डोरनाथ अर्यालले सञ्जयलाई आमासंग भेट गराउनेदेखि ओमनमा बसुन्जेल खान र बस्नेको समेत व्यवस्थापन गर्नु हुनेछ ।

ओमनको सलाला भन्ने शहरको सुल्तान कबुस अस्पतालमा ४५ बर्षिया विनादेवीको अचेत अवस्थामा उपचार भइरहेको छ ।

प्रकाशित मिति: आइतबार, भदौ २३, २०८१ ०९:२१

प्रतिक्रिया दिनुहोस्