एमबीबीएस अध्यापन गराउन बिएण्डसीले पायो ५० सिट

स्वास्थ्य

गृहपृष्ठ
स्वास्थ्य

सेतोपत्र डेस्क शनिबार, भदौ २२, २०८१

बिर्तामोड, भदौ २२ । झापा बिर्तामोडस्थीत बिएण्डसी मेडिकल कलेजले यो बर्ष ५० जना बिद्यार्थी अध्यापन गराउने पाउने भएको छ । चिकित्सा शिक्षा आयोगले बीएण्डसी मेडिकल कलेजलाई एमबीबीएस अध्यापनका लागि सिट निर्धारण गरेको हो । आयोगले बीएण्डसीलाई ५० जना विद्यार्थी अध्यापन गराउने गरी सिट निर्धारण गरेको हो ।

यो बर्षदेखि बिएण्डसीले एमबीबीएसको अध्यापन गराउने गरी ५० वटा सिट पाएको बिएण्डसी मेडिकल कलेजका सूचना अधिकारी प्रोमिस गिरीले बताउनु भयो । ‘प्रवेश परीक्षा पास गरेका विद्यार्थी मध्येबाट बिएण्डसीका लागि चिकित्सा शिक्षा आयोगले नै विद्यार्थी पठाउने हो,’ गिरीले भन्नुभयो, ‘आगामी कार्तिकदेखि कक्षा सञ्चालन हुन्छ ।’ एमबीबीएस अध्ययनका लागि सबै तयारी पुरा गरेको गिरीले बताउनु भयो ।

दुर्गा प्रसाईँले सञ्चालनमा ल्याएको बीएण्डसी मेडिकल कलेजको कक्षा सञ्चालन मेचीनगर १२ माथिल्लो धाइजनमा रहेको भवनमा हुनेछ । बिएण्डसीले सम्बन्धन पाएको लामो समयपछि एमबीबीएसमा सिट पाएको हो । कलेजलाई एमबीबीएस अध्यापन सुरु गर्न सम्बन्धन दिनु भन्ने सर्वोच्च अदालतको आदेशपछि आयोगले आवश्यक प्रक्रिया अगाडि बढाएको हो । कलेजले काठमाडौँ विश्वविद्यालयको सम्बन्धनमा एमबीबीएस कार्यक्रम सुरु गर्न लागेको हो ।

प्रकाशित मिति: शनिबार, भदौ २२, २०८१ ०७:४३