सहारा साकोस इटाभट्टाद्वारा सदस्य हुन अभिमूखीकरण

स्थानीय

गृहपृष्ठ
स्थानीय

सेतोपत्र डेस्क शनिबार, भदौ १५, २०८१

मेचीनगर, भदौ १५ । सहारा नेपाल साकोसको सदस्य हुनेहरुका लागि आज इटाभट्टामा अभिमूखीकरण कार्यक्रम सम्पन्न गरेको छ । सहारा नेपाल साकोस इटाभट्टा सेवा केन्द्रले आयोजना गरेको अभिमुखिकरण कार्यक्रममा संस्थाकी अनुगमन अधिकृत गोमा बस्नेतले संस्थाको गतिविधि र सदस्य भए पछि हुने फाइदाहरुका बारेमा जानकारी गराउनु भएको थियो । अधिकृत बस्नेतले सदस्यहरुको भुमिका र संस्थासंगको सम्बन्धका बारेमा समेत प्रकाश पार्नु भएको थियो ।

इटाभट्टा सेवा केन्द्र समन्वय समितिका संयोजक राजनकुमार गिरीको सभापतित्वमा सम्पन्न कार्यक्रममा इटाभट्टा कार्यालयकी प्रमुख चन्द्रकला पौडेलले स्वागत तथा औचित्यमाथी प्रकाश पारेको कार्यक्रममा पत्रकार ज्ञानेन्द्र निरौलाले शुभकामना मन्तव्य राख्नु भएको थियो ।

नारी जागरण संस्था मेचीनगरको सभाहलमा सम्पन्न कार्यक्रमका सहभागिहरुले सहारा नेपाल साकोसका बारेमा धेरै कुरा जानकारी पाएको र आफुहरु सन्तुष्ट भएको प्रतिक्रिया दिएका थिए । करीब ६० जनाको सहभागिता रहेको अभिमुखिकरण कार्यक्रमको सञ्चालन इटाभट्टा सेवा केन्द्र समन्वय समितिकी सदस्य देशु सुब्बाले गर्नु भएको थियो ।

प्रकाशित मिति: शनिबार, भदौ १५, २०८१ १७:२८