अल्लो र खाँडी कपडाको ब्राण्डीङ गर्दै गोर्खा टेलरिङ

स्थानीय

गृहपृष्ठ
स्थानीय

सेतोपत्र डेस्क बुधबार, भदौ १२, २०८१

गोर्खा टेलरिङका सञ्चालक बीर बहादुर दर्नाल ।

बिर्तामोड, भदौ १२ । झापा बिर्तामोडस्थीत गोर्खा टेलरिङले अल्लो र खाँडी कपडाको ब्राण्डीङका लागि देउसी डकुमेन्ट्री बनाउने भएको छ । यो बर्षलाई अल्लो र खाँडी बर्ष रुपमा मनाउँने घोषणा गर्दै गोर्खा टेलरिङका सञ्चालक बिरबहादुर दर्नालले भिडियो डकुमेन्ट्री बनाउने बताउनु भयो । मंगलवार गोर्खा टेलरिङ बिर्तामोडको आयोजना गरिएको पत्रकार सम्मेलनमा बोल्दै दर्नालले अल्लो र खाँडीको प्रवर्धनका लागि देउसी डकुमेन्ट्री बनाउने बताउनु भयो ।

‘घरेलु उत्पादनलाई प्रवर्धन गरौं, नेपाली संस्कृतिको संरक्षण गरौं’ भन्ने मुल नाराका साथ अल्लो र खाँडीको ब्राडिङका लागि देउसी डकुमेन्ट्री बनाउन लागिएको दर्नालले बताउनु भयो । दर्नालले पूर्वमै अल्लो र खाँडीका कपडा सवै भन्दा धेरै गोर्खा अल्लो र खाँडी कपडाको ब्राण्डीङ गर्दै गोर्खा टेलरिङ बिर्तामोडले तयार गर्ने दावी गर्नु भएको छ ।

उक्त डकुमेन्ट्री तयार गर्नु पूर्व अल्लो र खाँडीका उत्पादक किसानहरुसँग संखुवासभाको खाँदबारीमा अन्तरक्रिया गरिने र सोही कार्यक्रममा केही किसानलाई सम्मानसमेत गरिने दर्नालले बताउनु भयो ।
२० मिनेटको डकुमेन्ट्री तयार गर्न करिव ३० लाख खर्च हुने र सामाजिक संघसंस्था, सामाजिक ब्यक्तित्व, राजनीतिज्ञ, स्थानीय सरकार र प्रदेश सरकारको सहयोग तथा समन्वयमा तयार गरिने दर्नालले बताउनु भयो । देउसी डकुमेन्ट्रीका लागि गीतको तयारी हुँदै गरेको र तिहारको अवसर पारेर रिलिज गरिने वहाँले बताउनुभयो ।

गत बर्ष गोर्खा ट्रेलरिङबाट अल्लो र खाँडीबाट करिव ४/५ लाख रुपैयाँको कारोबार भएकोसमेत वहाँले जानकारी दिनुभयो । अल्लोको कोट र खाँडीको दौरासुरुवाल लगाउन चाहेमा एक सेटको २० हजारमा तयार गरेर उपलब्ध गराउने दर्नालको भनाई छ ।

प्रकाशित मिति: बुधबार, भदौ १२, २०८१ ०८:४१