क्यान्सर पिडित सिटौलालाई संयुक्त आवाजको सहयोग

स्थानीय

गृहपृष्ठ
स्थानीय

सेतोपत्र डेस्क शुक्रबार, साउन २५, २०८१

झापा,साउन २५ । क्यान्सर पिडित झापाको विर्तामोड २ निवासी महेन्द्र प्रसाद सिटौलाको उपचारार्थ संयुक्त महिला आवाज नेपालले आर्थिक सहयोग गरेको छ । सदस्यहरुबाट संकलन गरिएको ११ हजार ३ सय रुपैयाँ रकम क्यान्सर पीडित सिटौलालाई सहयोग गरिएको हो ।

क्यान्सर पिडित सिटौलाको सहयोगार्थ गठित महेन्द्र प्रसाद सिटौला बचाउ अभियानलाई संस्थाको तर्फबाट संकलित रकम हस्तान्तरण गरिएको संस्थाकी अध्यक्ष शिखा खड्का गणेशले जानकारी दिनुभयो ।
संस्थाको तर्फबाट सामाजिक उत्तरदायित्व बहन गर्दै संस्थाले गरेको सानो प्रयासले पनि पिडितको उपचारमा केही सहयोग पुग्ने विश्वास लिएको अध्यक्ष खड्काले बताउनुभयो ।

अध्यक्ष गणेशले अन्य संघसंस्थाहरुलाई पनि क्यान्सर पीडित सिटौलाको उपचारमा सघाउन अपिल गर्नुभएको छ । बिर्तामोड २ निवासी सिटौला मुखको क्यान्सर बाट पिडित हुनुहुन्छ । उहाँको उपचारका लागि देश बिदेशबाट सहयोग जुट्ने क्रम जारी रहेको छ ।