काँकरभिट्टा प्रहरी हिरासतमा थुनुवाको मृत्यु

स्थानीय

गृहपृष्ठ
स्थानीय

सेतोपत्र डेस्क बुधबार, साउन १६, २०८१

मेचीनगर,साउन १६ । झापाको काँकरभिट्टामा प्रहरी हिरासतमा रहेका एक थुनुवाको मृत्यु भएको छ । लागुऔषधसहित पक्राउ परेका मेचीनगर नगरपालिका–७ निवासी २८ वर्षीय झकबहादुर खड्काको मृत्यु भएको हो ।

जिल्ला प्रहरी कार्यालय झापाका डीएसपी कृष्णकुमार चन्दका अनुसार इलाका प्रहरी कार्यालय काँकडभिट्टाको हिरासतभित्र रहेका खडका बिरामी परेपछि धुलाबारीको आम्दा अस्पतालमा भर्ना गरिएको थियो । खड्काको उपचारकै क्रममा सोही अस्पतालमा आज बिहान १ः५५ बजे मृत्यु भएको हो ।

खड्का साउन १३ गते ५ ग्राम ५७० मिलिग्राम ब्राउन सुगर सहित प्रक्राउ परेका थिए । सो क्रममा ब्राउन सुगर मेचीनगर–७ का ३० वर्षीय खड्गबहादुर दर्जीले भारतबाट खरिद गरी काँकडभिट्टासम्म पु¥याइ दिनु भनी पठाएको खुलेपछि दर्जीलाई पनि प्रहरीले पक्राउ गरेको थियो । उनीहरुलाई इलाका प्रहरी कार्यालय काँकडभिट्टाको हिरासतमा राखिएको थियो ।

खड्काको मृत्युको कारण खुलेको छैन । पोष्टमार्टम गरिए पनि रिपोर्ट आइसकेको छैन । यता मृतक खड्काको परिवारले भने शव बुझ्न नमानेको बताइएको छ ।

प्रकाशित मिति: बुधबार, साउन १६, २०८१ १२:४८