मेचीनगरका विद्यालयको कमाण्डमा थपिदैं महिला, भानु माविमा तिम्सिना नियुक्त

स्थानीय

गृहपृष्ठ
स्थानीय

महिला प्रधानाध्यापक मेचीनगरका विद्यालयको कमाण्डमा थपिदैं महिला, भानु माविमा तिम्सिना नियुक्त

सेतोपत्र डेस्क शुक्रबार, साउन ४, २०८१

प्रधानाध्यापकका रुपमा पदभार ग्रहण गर्दै खड्ग कुमारी तिम्सिना ।

झापा, साउन ४ । झापाको मेचीनगरका विद्यालयमा महिलाको नेतृत्व थपिदैं गएको छ । बिहिबार मात्रै मेचीनगर २ स्थीत भानु माद्यमिक विद्यालयको प्रधानाध्यापकका रुपमा खड्गकुमारी तिम्सिना नियुक्त हुनु भएको छ । साउन १ गतेदेखि तिम्सिनाले विद्यालयको नेतृत्व गर्नु भएको भए पनि वहाँले साउन ३ गते बिहिबार औपचारिक रुपमा प्रधानाध्यापकको पदभार ग्रहण गर्नु भएको हो ।

प्रधानाध्यापकको पदभार ग्रहण गर्दै तिम्सिनाले विद्यालयको शैक्षिक गुणस्तर, स्थानीय समुदायसंगको सम्बन्ध र विद्यालयको भौतिक पुर्वाधारका बिषय आफ्नो प्राथमिकतामा रहने बताउनु भयो । तिम्सिना अर्थशास्त्र बिषयको मावि तहको शिक्षकका रुपमा २०७१ सालमा स्थायी नियुक्ती हुनु भएको थियो ।

तिम्सिनाले भानु माविको कमाण्ड सम्हालेसंगै मेचीनगरमा मावि तहका विद्यालयमा महिला प्रधानाध्यापकको संख्या दुई पुगेको छ । यस अघि मेचीनगर ३ स्थीत जनता माविको प्रधानाध्यापकका रुपमा लिला मिजारले नेतृत्व गरिरहनु भएको छ ।
त्यस्तै मेचीनगरका अन्य विद्यालयहरुमा पनि महिला प्रधानाध्यापकले विद्यालय सञ्चालन गरिरहनु भएको छ ।

मेचीनगर १५ स्थीत डिगेन आधारभुत विद्यालयको प्रधानाध्यापकका रुपमा कृष्णकुमारी बानियाँ, मेचीनगर १५ कै ज्ञानदिप आधारभुत विद्यालयमा अन्जु पौडेल प्रधानाध्यापकका रुपमा रहनु भएको छ भने मेचीनगर वडा नं. ९ स्थित हरि आधारभूत विद्यालयमा रामप्यारी प्रसाई र दिपेन्द्र आधारभुत विद्यालय मेचीनगरमा शान्ता निराैलाले प्रधानाध्यापकको जिम्मेवारी सम्हालिरहनु भएको छ ।

प्रकाशित मिति: शुक्रबार, साउन ४, २०८१ ०५:५२