बाहुनडाँगीमा हात्ती आउने सूचना दिने प्रविधि जडान

स्थानीय

गृहपृष्ठ
स्थानीय

सेतोपत्र डेस्क शुक्रबार, असार २१, २०८१

मेचीनगर, असार २१ । झापाको बाहुनडाँगीमा हात्ती आएको थाहा पाउने सूचना प्रविधि जडान भएको छ । सभामुख देबराज घिमिरेले आज हात्ती आगमन सूचना प्रविधि केन्द्रको बाहुनडाँगीमा उद्घाटन गर्नु हुने छ । सभामुख घिमिरे आज विहान १० बजे बाहुनडाँगी पुग्ने कार्यक्रम रहेको मेचीनगर वडा नं ४ का अध्यक्ष अर्जुनकुमार कार्कीकाले सेतोपत्रलाई जानकारी दिनुभयो । तत्कालका लागि बाहुनडाँगी बजार पुर्वमा रहेको खाली भएको छोटी भन्सारको भवनमा हात्ती आगमन सूचना प्रविधि केन्द्र स्थापना गरिएको वडा अध्यक्ष कार्कीले बताउनु भयो ।

बाहुनडाँगी भारततर्फबाट हात्ती नेपालमा प्रवेश गर्ने मुख्य नाका हो । जहाँ दैनिकजसो दर्जनौंको संख्यामा हात्तीहरु नेपाल पस्ने गर्छन । सर्वसाधारणलाई बस्तीमा हात्ती प्रवेश गरेको जनाउ दिने डिजिटल प्रविधिको प्रयोग गर्न लागिएको वडाध्यक्ष कार्कीले बताउनुभयो ।

प्रकाशित मिति: शुक्रबार, असार २१, २०८१ ०७:१९