चुनावबाट छानिए बुद्धशान्ति उद्योग वाणिज्य संघको चार जना सदस्य

स्थानीय

गृहपृष्ठ
स्थानीय

चुनावबाट छानिए बुद्धशान्ति उद्योग वाणिज्य संघको चार जना सदस्य

सेतोपत्र डेस्क मंगलबार, जेठ २९, २०८१

निर्विरोध निर्वाचित पदाधिकारी तथा महिला सदस्यहरु ।

झापा, जेठ २९ । बुद्धशान्ति उद्योग वाणिज्य संघको सोमबार भएको निर्वाचनमा सदस्य पदका लागि नेपाली काँग्रेसका तर्फबाट उम्मेद्वारी दिएका चारै जना विजयी हुनु भएको छ । निर्वाचित हुनेमा मदन कुमार भट्टराई, रामलाल कोइराला, श्रीलाल रसाइली र चन्द्र कुमार कटुवाल हुनुहुन्छ । बाणिज्य संघका ४८४ मतदाता मध्ये ४०९ मत खसेको थियो । जसमा रामलाल कोइरालाले ३१३, मदन कुमार भट्टराईले २९४ मत, श्रीलाल रसाइलीले २६४ र चन्द्र कुमार कटुवालले १८५ मत प्राप्त गरी विजयी हुुनु भएको हो । पाँच जना उम्मेद्वार चुनावी मैदानमा रहँदा मनोरथ तिवारीले पराजित हुनु भएको हो । वहाँले १७९ मत प्राप्त गर्नु भएको थियो । खसेका मत मध्ये ६ मत बदर भएको निर्वाचन समितिले जनाएकोछ ।

चुनावबाट निर्वाचित हुनु भएका सदस्यहरु ।

कार्यसमितिका अध्यक्ष सहित ९ जना भने यस अघिनै निर्विरोध निर्वाचित हुनुभएको छ । निर्वाचन समितिको जेठ २४ गतेको निर्णय अनुसार बुद्धशान्ति उद्योग वाणिज्य संघका लागि अध्यक्षमा दिपक सापकोटा, उद्योग उपाध्यक्ष दुर्गाप्रसाद कुईकेल, वाणिज्य उपाध्यक्षमा उमाराज ढकाल, महासचिवमा लक्ष्मीप्रसाद उप्रेती, उद्योग सचिवमा हेमन्तराज बराल, वाण्ज्यि सचिवमा ज्ञानु थापा र कोषाध्यक्ष ओमप्रकास वास्तोला निर्विरोध निर्वाचित हुनु भएको निर्वाचन समितिले जनाएको छ । त्यस्तै दुइजना महिला सदस्यहरुमा ललिता गौतम र टिकादेवी चौलागाई निर्विरोध निर्वाचित हुनु भएको छ ।

प्रकाशित मिति: मंगलबार, जेठ २९, २०८१ २०:१३