महिलाहरुको क्षमता विकास सम्बन्धी सातदिने तालिम सूरु

स्थानीय

गृहपृष्ठ
स्थानीय

महिलाहरुको क्षमता विकास सम्बन्धी सातदिने तालिम सूरु

सेतोपत्र डेस्क मंगलबार, जेठ १५, २०८१

इटाभट्टा, जेठ १५ । मेचीनगर नगरपालिका वडा नं ८ को आयोजनामा महिलाहरुको क्षमता विकास सम्बन्धी सात दिने तालिम सोमवारदेखि सूरु भएको छ । वडा अध्यक्ष गिरिराज धमलाको अध्यक्षतामा सम्पन्न तालिमको उदघाट्न समारोहमा कार्यपालिका सदस्य कविता मिजारले महिलाहरुको लेखन र प्रस्तुतीकरणको क्षमता विकास गराउने उद्देश्यले तालिमको आयोजना गरिएको बताउनु भयो ।

तालिम उदघाटन समारोहमा वडा सदस्य बिष्णु भट्टराई र वडा सचिव पवित्रा सुब्बाले वडाका महिलाहरुलाई प्रस्ताव लेख्न, बोल्ने बानीको विकास गराउन यो तालिम फलदायी हुने विश्वास लिएको बताउनु भयो । आदर्श माविको सभाहलमा जेठ २० गतेसम्म सञ्चालन हुने तालिममा सोमराज ढकाल, ज्ञानेन्द्र निरौला र सम्झना पोखरेलले सहजिकरण गर्ने बताईएको छ ।

५० जना स्थानीय महिलाहरुको सहभागिता रहेको तालिमको उदघाटन सत्रमा वडा सदस्य मनकुमारी गिरीले स्वागत मन्तव्य गर्नु भएको भने वडा सदस्य कुन्दन निरौलाको सञ्चालनमा कार्यक्रम सम्पन्न भएको थियो ।

प्रकाशित मिति: मंगलबार, जेठ १५, २०८१ ०७:२५

प्रतिक्रिया दिनुहोस्