मेचीनगर ८ की महिला कुवेतमा ३ महिनादेखि बन्धक, घर फर्कादिन परिवारकाे अपिल

स्थानीय

गृहपृष्ठ
स्थानीय

सेतोपत्र डेस्क शनिबार, चैत २४, २०८०

झापा, चैत २४ । कुवेतमा ३ महिनादेखि बन्धक बनाईएकी झापा मेचीनगर ८ एक महिलालाई नेपाल फर्काईदिन परिवारले आग्रह गरेकाे छ ।

मेचीनगर ८ मेचे गाउँकी २८ बर्षिया सपना ठटाल ३ महिनादेखि कुवेतकाे एउटा घरमा बन्धक बनाएर राखेकाे सपनाका श्रीमान श्यामबहादुर ठटालले बताउनु भयाे ।

प्रेस क्लव मचीनगरमा भएकाे पत्रकार सम्मेलनमा बाेल्दै सपनाका श्रीमान श्यामले भन्नुभयाे, `कुवेत पठाउने एजेन्ट नारायण थापा हाे, उसैले अहिले ९ लाख दिनु तपाईकाे मान्छे ल्याईदिन्छु भन्छ ।´ अल्फा कलाफ मेनपावरमार्फत सपनालाई कुवेत पुर्याईएकाे र अलजाहारा भन्ने ठाउँमा बन्धक बनाएर राखिएकाे परिवारले बताएकाे छ ।

श्यामका अनुसार आफ्नै भाउजु पुष्पा दर्जीमार्फत एजेन्टसंग सम्पर्क भएकाे हाे । `भाउजु पनि कुवेतमा नै हुनुहुन्छ,´ श्यामले भन्नुभयाे, `सपनालाई बन्धक बनाए पछि भाउजुले पनि एजेन्ट चिन्दिन भन्नु हुन्छ ।´

कवेत जाँदा आफ्नाे पैसा खर्च नभएकाे र सबै खर्च एजेन्ट नारायण थापाले नै गरेकाे सपनाका श्रीमान श्यामले बताउनु भयाे ।

आठ महिना अघि कुवेत पुग्नु भएकी सपनाले गएकाे दुई महिना पछि ४० हजार पैसा पठाएकाे र त्यस पछि पैसा नपठाएकाे श्यामले बताउनु भयाे । श्यामका अनुसार दश दिन अघि साथिकाे माेबाईलबाट सपनाले श्यामलाई फाेन गरेर आफुलाई बन्धक बनाएकाे बताउनु भएकाे थियाे । त्यस पछि मात्रै सपना बन्धक भएकाे परिवारले थाहा पाएकाे सपनाकी दिदि सम्झना ठटालले पत्रकार सम्मेलनमा बताउनु भयाे ।

बन्धक हुनु अघि पुष २९ गते परिवारसंग सम्पर्क भएकाे र केही दिनमा पैसा पठाउँछु भनेकाे भए पनि त्यस पछि सम्पर्क बिहिन भएकाे सम्झनाले बताउनु भयाे ।

`छाेरीकाे अवस्था केही थाहा छैन, सपनाकी आमा कृष्णमाया परियारले पत्रकारमा भन्नुभयाे, `पहिला जुन घरमा थिए तेही घरमा छु । बन्धक बनाएकाे छ, कुटपिट पनि भाकाे छ भनेर छाेरीले भनेकाे छ, पैसा चाहिदैन तर जसरी पनि छाेरीलाई ल्याईदिनु हाेला ।´

१० बर्ष, १४ महिना का दुई छाेराकी आमा सपनाका श्रीमान श्याम ट्रयाक्टरमा मजदुरी गर्दछन ।

प्रकाशित मिति: शनिबार, चैत २४, २०८० १५:३९