इलाम- २ मा एमालेको उम्मेदवार बन्न सुहाङद्धारा निवेदन पेश

स्थानीय

गृहपृष्ठ
स्थानीय

इलाम- २ मा एमालेको उम्मेदवार बन्न सुहाङद्धारा निवेदन पेश

सेतोपत्र डेस्क आइतबार, फागुन २७, २०८०

फागुन २७,इलाम। नेकपा एमालेका स्वर्गिय नेता सुवास नेम्वाङको स्थानमा उम्मेदवार बन्न उहाँका छोरा सुहाङ नेम्वाङले पार्टीमा निवेदन दिनुभएको छ ।

इलाम क्षेत्र २ मा वैशाख १५ गते हुन लागेको प्रतिनिधिसभा सदस्य उपनिर्वाचनमा पार्टीको तर्फबाट उम्मेदवार बन्न सुहाङ नेम्वाङले निवेदन दिनुभएको हो । नेकपा एमालेका उपाध्यक्षसमेत रहनुभएका संविधानसभाका सदस्य सुवासचन्द्र नेम्बाङको निधन भएपछि रिक्त रहेको स्थानमा हुन लागेको उपनिर्वाचनमा उम्मेदवार बन्न छोरा सुहाङले पार्टीको इलाम जिल्ला कमिटीमा निवेदन दिदै औपचारीक रुपमा दाबेदारी पेश गर्नुभएको हो ।

आगामी चैत ५ गतेभित्र उम्मेदवार सिफारिस गर्न जिल्ला कमिटीले यसअघि नै कार्यदल गठन गरिसकेको छ । उपनिर्वाचनमा उम्मेदवार हुन इच्छुकले आज सम्म आफ्नो व्यक्तिगत विवरणसहित कार्यदलमा इच्छा जाहेर गर्ने समय तोकिएकोमा सुहाङको पनि निवेदन परेको हो ।

उम्मेदवारको नाम जिल्ला कमिटीमा पठाउन उपाध्यक्ष उदयबहादुर राईको संयोजकत्वमा कार्यदल गठन गरिएको थियो । संयोजक राईका अनुसार, अहिलेसम्म सुहाङसहित चार जनाले निवेदन दिएका छन् । उम्मेदवार बन्न सुहाङ, रवीन्द्र सुवेदी, बुद्धि खनाल र देवी क्षेत्री दुलालको निवेदन परेको छ । कार्यदलले चैत ३ गतेसम्म उम्मेदवारको सूची जिल्ला कमिटीमा पेस गर्ने बताइएको छ ।

प्रकाशित मिति: आइतबार, फागुन २७, २०८० १४:१३

प्रतिक्रिया दिनुहोस्