तरुल किन्न पुस २९ गते बाहुनडाँगी आउनुहोसः वडाअध्यक्ष कार्की

स्थानीय

गृहपृष्ठ
स्थानीय

दोस्रो तरुल महोत्सव तरुल किन्न पुस २९ गते बाहुनडाँगी आउनुहोसः वडाअध्यक्ष कार्की

सेतोपत्र डेस्क बिहीबार, पुस २६, २०८०

आफ्नो कार्यकक्षमा वडाअध्यक्ष कार्की ।

झापा, पुस २६ । झापाको बाहुनडाँगीमा पुस २९ र माघ १ गते हुने तरुल महोत्सवको तयारी तिब्र पारिएको छ । मेचीनगर नगरपालिकाको आयोजना र वडा नं. ४ को व्यवस्थापनमा हुन लागेको तरुल महोत्सवमा सहभागि भई तरुल किन्न मेचीनगर ४ का वडा अध्यक्ष अर्जुनकुमार कार्कीले सबैलाई अपिल गर्नु भएको छ ।

‘दोस्रो तरुल महोत्सव आयोजना हुँदैछ,’ वडा अध्यक्ष कार्कीले भन्नुभयो, ‘तरुल किन्न सबैलाई निम्तो गर्दछु ।’ स्वास्थ्यका लागि अत्यन्तै पौष्टिक मानिएको तरुल खेतिलाई प्रोत्साहन गर्न र ग्रामिण जनजिवनलाई हौसला प्रदान गर्न तरुल महोत्सवको आयोजना गरिएको वडा अध्यक्ष कार्कीले बताउनु भयो ।

गत बर्ष माघ १ गतेका दिन एक दिवशीय आयोजना गरिएको तरुल महोत्सव यो बर्ष दुई दिनसम्म आयोजना गर्न लागिएको छ । कोशी प्रदेशमै बाहुनडाँगीमा मात्रै आयोजना हुने तरुल महोत्सवले कृषि उत्पादनको बजारीकरणमा सहयोग पुग्ने मेचीनगर नगरपालिकाले अपेक्षा गरेको छ ।

प्रकाशित मिति: बिहीबार, पुस २६, २०८० ०६:४४

प्रतिक्रिया दिनुहोस्