झापाको एउटै फार्मबाट एकै सिजनमा ३ करोड ३६ लाखको केरा बिक्रि

कृषि

गृहपृष्ठ
कृषि

झापामा फस्टायो केराखेती झापाको एउटै फार्मबाट एकै सिजनमा ३ करोड ३६ लाखको केरा बिक्रि

सेतोपत्र डेस्क बिहीबार, कात्तिक ३०, २०८०

फाइल तस्वीर ।

झापा, कार्तिक ३० । झापाको एउटा केरा फार्मबाट मात्रै ३ करोड बढी मुल्यको केरा बिक्रि भएको छ । झापा भद्रपुरस्थीत श्रीगणपति एग्रिकल्चर प्रालिले सञ्चालन गरेको केरा खेतीले चार्डपर्वको सिजनमा मात्रै ३ करोड ३६ लाख मुल्य बराबरको केरा बजारमा पुर्याएको कम्पनीले जनाएको छ ।

भद्रपुर वडा नं. ५ मा २० बिगाहा क्षेत्रफलमा लगाएको केरा खेतीबाट दशैं तिहारको समयमा मात्रै २८ हजार घरी केरा बिक्रि गरिसकेको कम्पनीका अध्यक्ष बासुदेव उप्रेतीले जानकारी दिनुभयो । जसको मुल्य करीब ३ करोड ३६ लाख हुने उप्रेतीको भनाई छ । अध्यक्ष उप्रेतीका अनुसार भद्रपुरमा उत्पादन भएका केरा काठमाडौँ, वीरगञ्ज, चितवन र पोखराको बजारमा बिक्री भइसकेको छ ।

बजारमा प्रतिघरी केरा औसत रु एक हजार दुई सयमा बिक्री भएको छ । फार्ममा फलेका सबै केरा कम्पनी आफैँले बजारमा पुर्याएर बिक्री गरेको हो । उप्रेती सहित कमल थापा, प्रेम खड्का, प्रकाश निरौला र दारोगा जैसवालले संयुक्त रुपमा सञ्चालन गरेको श्रीगणपति एग्रिकल्चर प्रालिले गौरादहमा समेत ५७ बिगाहामा केरा खेती शुरु गरेको छ ।

टाइम्स अफ प्रदेशको सहयोगमा ।

प्रकाशित मिति: बिहीबार, कात्तिक ३०, २०८० ०७:४०