मुख्यमन्त्री कार्कीले आज विश्वासको मत लिदैं, ५ मन्त्रालयमा एमालेको दाबी

राजनिति

गृहपृष्ठ
राजनिति

सेतोपत्र डेस्क बुधबार, कात्तिक १, २०८०

झापा, कार्तिक १ । कोशी प्रदेशका मुख्यमन्त्री केदार कार्कीले आज विश्वासको मत लिने हुनु भएको छ । असोज २७ गते संविधानको धारा १६८ को उपधारा ५ बमोजिम मुख्यमन्त्री नियुक्ती हुनु भएका कार्कीले विश्वासको मत लिने प्रयोजनकै लागि आज दिउँसो १ बजे प्रदेशसभाको बैठक बोलाईएको छ ।

यसैबिच, नेकपा एमालेले कोशी प्रदेश सरकारमा ५ वटा मन्त्रालय माग गरेको छ । नेपाली कांग्रेसका नेता केदार कार्कीलाई मुख्यमन्त्रीमा समर्थन गरेको एमालेले ९ सदस्यीय मन्त्रिपरिषदमा ५ वटा मन्त्रालय माग गरेको हो । नेकपा एमाले संसदीय दलका प्रमुख सचेतक रेवतीरमण भण्डारीले आफ्नो पार्टीले पाँच वटा मन्त्रालयमा दाबी गरेको बताउनुभयो । यद्यपि मुख्यमन्त्री कार्कीसँग मन्त्रालय बाँडफाडका लागि छलफल हुन नपाएको उहाँले बताउनुभयो । विश्वासको मत लिएपछि मुख्यमन्त्री कार्कीसँग छलफल हुने एमाले नेता भण्डारीले बताउनुभयो ।

प्रकाशित मिति: बुधबार, कात्तिक १, २०८० ०७:१६