एमालेकाे समर्थनमा काँग्रेसका केदार कार्कीद्वारा मुख्यमन्त्रीमा दाबी

राजनिति

गृहपृष्ठ
राजनिति

सेतोपत्र डेस्क बिहीबार, असोज २५, २०८०

काँग्रेस सांसद केदार कार्की ।

झापा, असाेज २५ । नेकपा एमालेकाे समर्थनमा नेपाली काँग्रेसका सांसद केदार कार्कीले काेशी प्रदेशकाे मुख्यमन्त्रीमा दाबी पेश गर्नु भएकाे छ ।

सांसद कार्की काँग्रेस नेता खेशर कोइराला पक्षका नेता हुनुहुन्छ । काँग्रेसका ८ प्रदेशसभा सदस्यले कार्कीलाई मुख्यमन्त्री बनाउन हस्ताक्षर गरेका छन ।

काँग्रेसका ८ र एमालेका ३९ सांसदको समर्थनसहित कार्कीले प्रदेश प्रमुख पर्शुराम खापुङसमक्ष मुख्यमन्त्रीमा दाबी पेश गर्नु भएकाे छ । कार्कीले ४७ जना सांसदकाे हस्ताक्षर नै प्रदेश प्रमुखलाई बुझाउनु भएकाे छ । कोशीमा मुख्यमन्त्री बन्न प्रदेशसभाको बहुमत अर्थात ४७ सदस्यको समर्थन चाहिन्छ ।

एमालेका ३९ र काँग्रेसको कोइराला समूहका ८ जनाको समर्थन पाएपछि कार्कीको पक्षमा बहुमत देखिएको छ ।

कार्कीलाई मुख्यमन्त्री बनाउन काँग्रेसका कार्की सहित रामकुमार खत्री, समसेर राई, इन्दिरा थापा, लिलाकुमारी राई, गाेबिन्द गिरी, मान बहादुर लिम्बु र सुनिताकुमारी गुरूङले हस्ताक्षर गरेका छन ।

संविधानको धारा १६८ (५) अनुसार प्रदेशसभामा बहुमत जुटाउन सक्ने प्रदेशसभा सदस्यलाई प्रदेश प्रमुखले मुख्यमन्त्री नियुक्त गर्ने व्यवस्था छ । यसरी सरकार बनाउँदा कार्कीलाई काँग्रेसले ह्वीप लगाउन मिल्दैन ।

प्रकाशित मिति: बिहीबार, असोज २५, २०८० १८:२६