धुलाबारी महाेत्सव असाेज २६ देखि हुने

स्थानीय

गृहपृष्ठ
स्थानीय

सेतोपत्र डेस्क आइतबार, असोज २१, २०८०

पत्रकार सम्मेलनमा आयाेजक समितिका पदाधिकारीहरू ।

झापा, असाेज २१ । दशैंकाे अवसर पारेर झापाकाे मेचीनगरमा धुलाबारी महाेत्सव २०८० असाेज २६ गतेदेखि शुरू हुने भएकाे छ ।

मेची चेम्बर अफ कमर्स मेचीनगरकाे आयाेजनामा हुने महाेत्सवका बारेमा आज धुलाबारीमा पत्रकार सम्मेलन मार्फत जानकारी गराईएकाे छ ।

`याे महाेत्सवमा कृषि उपजलाई प्राथमिकताका साथ स्टलमा राख्छाैं,´ चेम्बर अफ कमर्सका अध्यक्ष रूक्मिणा पाेखरेलले भन्नुभयाे, `सांगितिक कार्यक्रमसंगै कृषि उत्पादन र खानाका स्टलहरू हुनेछ ।´

महाेत्सवलाई सुरक्षित बनाउन सिसि क्यामेराकाे समेत व्यवस्था गरिने चेम्बरका महासचिव प्रकास खड्काले पत्रकार सम्मेलनमा जानकारी दिनुभयाे ।

महाेत्सवमा १५ वटा स्टल हुने र ५ वटा स्टाल विभिन्न सामाजिक अभियानका लागि निशुल्क उपलब्ध गराईने महासचिव खड्काले बताउनु भयाे ।

महाेत्सवमा राष्टिय कलाकारहरूकाे प्रस्तुति रहने र प्रवेश शुल्क १०० र २०० राखिने पत्रकार सम्मेलनमा जानकारी दिईयाे ।

प्रदिप इन्टरप्राइजेजकाे व्यवस्थापनमा सम्पन्न हुने महाेत्सव कार्तिक १५ गतेसम्म सञ्चालन हुनेछ ।

प्रकाशित मिति: आइतबार, असोज २१, २०८० १३:२९