तीज टिकटक प्रतियोगितामा कार्की, घिमिरे र ओली विजेता

कला/साहित्य

गृहपृष्ठ
कला/साहित्य

टिकटक प्रतियोगिताका विजेता घोषणा तीज टिकटक प्रतियोगितामा कार्की, घिमिरे र ओली विजेता

सेतोपत्र डेस्क शुक्रबार, भदौ २९, २०८०

भापा, भदौ २९ । रेडियो मन्त्र १०५.४ मेगाहर्ज झापाले आयोजना गरेको तीज टिकटक प्रतियोगिताका विजेता घोषणा गरिएको छ । प्रतियोगितामा सेविका कार्की, बिस्मिता घिमिरे र अस्मिता ओली बिजेता हुनु भएको छ । महिलाको महान पर्व हरितालिका तीजको अवसर पारेर रेडियो मन्त्रको टिकटक एकाउन्टमार्फत आयोजना गरिएको प्रतियोगितामा सहभागि मध्येबाट शीर्ष तिन जनालाई विजेता घोषणा गर्ने भनिए अनुसार नै दमककी कार्की, मेचीनगरकी घिमिरे र भद्रपुरकी ओली विजेता हुनु भएको रेडियो मन्त्रकी स्टेशन मेनेजर मनिसा गौतमले जानकारी दिनु भयो ।

प्रतिस्पर्धी सहभागिहरुले पठाएको तीज बिषेश टिकटकलाई भदौ २३ गतेदेखि भदौ २७ गतेसम्म रेडियोको टिकटकमा राखिएको र त्यसमा आएको भ्यूज, लाईक र कमेन्टका आधारमा शीर्ष तीन जनालाई विजेता घोषणा गरिएको स्टेशन मेनेजर गौतमले बताउनु भयो । गौतमका अनुसार विजेताहरुलाई पाँचतारे होटल मेची क्राउनमा एक रातको खाना र रेडियोको तर्फबाट उपहार दिने कार्यक्रम रहेको छ ।

प्रतियोगिता आयोजनाका लागि होटल मेची क्राउनले मुख्य प्रायोजन गरेको छ भने मेरो हार्डवेयर इटाभट्टा सहप्रायोजक रहेको थियो । त्यस्तै सहयोगी संस्थाका रुपमा महिला जनचेतना केन्द्र काकरभिट्टा रहेको रेडियो मन्त्रकी लेखा शाखा प्रमुख सेवन्ता घिमिरेले बताउनु भयो ।

प्रकाशित मिति: शुक्रबार, भदौ २९, २०८० १८:०८