धार्मिक र जातिय सदभावका लागि मेचीनगरमा मोटरसाइकल र्याली गर्ने

स्थानीय

गृहपृष्ठ
स्थानीय

धार्मिक र जातिय सदभावका लागि मेचीनगरमा मोटरसाइकल र्याली गर्ने

सेतोपत्र डेस्क शुक्रबार, भदौ २९, २०८०

झापा, भदौ २९ । पछिल्लो समय देशमा विभिन्न प्रकारले धार्मिक र जातिय सदभाव भड्काउने कार्य भइरहेकाले त्यस्ता कार्य नगर्न र सदभाव कायम राख्न आव्हान गर्दै ॐकार सनातन धर्मका अनुयायीहरूले शनिबार मेचीनगरमा बृहत मोटरसाईकल र्याली गर्ने भएका छन । सनातन धर्मको अस्तित्व रक्षा तथा धार्मिक सहिष्णुताका लागि आयोजना गरिने मोटरसाईकल र्यालीले मेचीनगरका विभिन्न क्षेत्रको परिक्रमा गरिने र्यालीका बारेमा बिहिबार इटाभट्टामा आयोजित पत्रकार सम्मेलनमा जानकारी गराइएको छ ।

गाई–गोरू काट्ने, क्षेत्री–बाहुन काट्ने, जाति–जातिबीचको द्वन्द भडकाउने क्रियाकलाप नगर्न आव्हान गर्दै सदभावपूर्ण हिन्दु जागरण अभियान सञ्चालन गरिने पत्रकार सम्मेलनमा ॐकार सनातन धर्मका मेचीनगर कार्यक्रम संयोजक आचार्य आसुतोष खनालले जानकारी दिनु भयो ।

अभियान अन्तरगत भदौ ३० गते काँकरभिट्टाको मेची पुलदेखि सुरू सदभावपूर्ण मोटरसाइकल र्याली बाहुनडाँगीको बौद्वमोड, ईटाभट्टा हुँदै धुलाबारी चोकमा आएर कोणसभा हुनेछ । सद्भाव र्यालीमा करिव २०० वटा मोटरसाइकलसहित सनातन धर्मका अनुयायीहरू सडकमा निस्कने बताइएको छ ।

प्रकाशित मिति: शुक्रबार, भदौ २९, २०८० ०९:३३

प्रतिक्रिया दिनुहोस्