मात्रै ६ हजारमा कक्षा ११ र १२ को पढाई

स्थानीय

गृहपृष्ठ
स्थानीय

सेतोपत्र डेस्क मंगलबार, भदौ १९, २०८०

मेचीनगर,भदौ १९ । झापाको मेचीनगर ९ मा रहेको कविशिरोमणि माध्यमिक विद्यालयले कक्षा ११ र १२ का लागि न्यूनतम वार्षिक शुल्क निर्धारण गरेको छ । अभिभावक भेलाले कक्षा ११ र १२ का विद्यार्थीका लागि मात्रै ६ हजार रुपैयाँ वार्षिक शुल्क तोकेको हो ।

विद्यालयका अनुसार अब कक्षा ११ र १२ का विद्यार्धीले वार्षिक ६ हजार रुपैयाँ नै पढ्न पाउने छन । मेचीनगर वडा नम्बर ९ र विद्यालय व्यवस्थापन समितिको अगुवाईमा भएको अभिभावक भेलाले आर्थिक भार अत्यन्तै कम पर्ने गरि वार्षिक शुल्क निर्धारण गरेको हो । भेलाले बिहान सञ्चालन हुँदै आएको ११ र १२ को कक्षाहरु भदौ २४ गतेदेखि दिउँसो सञ्चालन गर्ने निर्णय पनि गरेको वडा नम्बर ९ का वडासदस्य धनकुमार श्रेष्ठले जानकारी दिनुभयो ।

विद्यालय व्यवस्थापन समितिकि अध्यक्ष संगीता थापाको अध्यक्षतामा सम्पन्न भएको भेलामा मेचीनगर ९ का वडा अध्यक्ष कञ्चनकुमार तामाङ, प्रकाश भण्डारी, अभिभावक संघका अध्यक्ष चूडामणि रेग्मीलगायतले आआफ्नो धारणा राख्नुभएको थियो ।

विगतमा शैक्षिक गुणस्तरकै कारण अब्बल रुपमा स्थापित विद्यालयमा पछिल्लो समय समस्या देखिदै आएको छ । त्यसको समाधानका लागि विद्यालय व्यवस्थापन समिति,वडा नम्बर ९ का जनप्रतिनिधी तथा अभिभावक संघले बिभिन्न पहल गर्दै आइरहेको छ ।

प्रकाशित मिति: मंगलबार, भदौ १९, २०८० १६:५८