इलामको एक केजी चिया १० हजारमा बिक्यो

स्थानीय

गृहपृष्ठ
स्थानीय

इलामको एक केजी चिया १० हजारमा बिक्यो

सेतोपत्र डेस्क आइतबार, वैशाख १७, २०८०

झापा, वैशाख १७ । नेपालको चिया प्रतिकेजी १० हजार रुपैँयामा बिक्री भएको छ । देशमै पहिलो पटक लिलामीमार्फत चिया १० हजार रुपैँयामा बिक्री भएको हो ।

एकजना अमेरिकीले इलामको कन्याममा ‘डेमो अक्सन’मार्फत प्रतिकेजी १० हजारका दरले ‘अर्थोडक्स ब्ल्याक टी’ खरिद गरेका हुन् ।

अमेरिकी नागरिक जेनीले लिलाम बढाबढमा ५ केजी अर्थोडक्स चिया ५० हजार रुपैयाँमा खरिद गर्नुभएको जनाइएको छ । सूर्योदय चिया उत्पादक संघले उत्पादन गरेको चिया किसानले प्रतिकेजी एक हजार मूल्य तोकेका थिए । उक्त मूल्यमा अमेरिका, चीन, जापान र रुसका खरिदकर्ताले मोल बढाबढ गर्दै प्रतिकेजी १० हजारसम्म पु¥याएका थिए ।

त्यस्तै ‘अर्थोडक्स ग्रीन टी’ प्रतिकेजी ६ हजार र ‘अर्थोडक्स ग्रीनिस ब्ल्याक टी’ प्रतिकेजी ४ हजारका दरले चिनियाँ खरिदकर्ताले किनेका छन् । उनीहरूले पनि लिलाम बढाबढ गर्दै चिया किनेको राष्ट्रिय चिया तथा कफी विकास बोर्डका कार्यकारी प्रमुख विष्णुप्रसाद भट्टराईले जानकारी दिनुभयो ।

विश्व बजारमा चिया अक्सनमार्फत खरिद बिक्री हुने गरेको छ । तर नेपालमा भने लिलाम बजार छैन ।

प्रकाशित मिति: आइतबार, वैशाख १७, २०८० ०७:३५

प्रतिक्रिया दिनुहोस्