त्रिदेवको अध्यक्षमा नेवि संघका अर्जुन गौतम बिजयी

राजनिति

गृहपृष्ठ
राजनिति

त्रिदेवको अध्यक्षमा नेवि संघका अर्जुन गौतम बिजयी

सेतोपत्र डेस्क सोमबार, चैत ६, २०७९

मेचीनगर, चैत ६ । त्रिदेव बहुमुखी क्याम्पसको स्ववियु अध्यक्षमा अर्जुन गौतम निर्वाचित हुनुभएको छ । हिजो सम्पन्न निर्वाचनमा नेवि संघबाट उमेद्वारी दिनुभएका गौतम दुई सय ८१ मत प्राप्त गर्दै अध्यक्ष मा निर्वाचित हुनुभयो ।

यस्तै सचिवमा पनि नेवि संघकै मनिराम बिश्वकर्मा निर्वाचित हुनुभएको छ भने कोषाध्यक्षमा अनेरास्ववियुका ईश्वर रिजाल निर्वाचत हुनुभयो ।

सदस्यहरुमा भने मिश्रित परिणाम आएको छ । सदस्यहरुमा ५ जना अनेरास्ववियुबाट निर्वाचित हुनुभयो भने २ जना नेवि संघबाट चुनिनुभएको छ ।

अनेरास्ववियुबाट भुगोल भट्टराई, दावा तामाङ, हरि पौडेल, मदन चिमरिया र कैलाश रेग्मी निर्वाचित हुनुभयो भने नेवि संघबाट सुजन अर्याल र रोषन पोख्रेल चुनिनुभयो ।

स्ववियु नेतृत्व छान्नका लागि हिजो मतदान भएको थियो । जसमा ६ सय ५४ मत खसेको थियो । मतगणना सम्पन्न भएसगैँ त्रिदेव क्याम्पसले नयाँ स्ववियु समिति प्राप्त गरेको छ ।

प्रकाशित मिति: सोमबार, चैत ६, २०७९ ०६:२१