मोरङ ३ प्रदेश सभा ‘क’ मा आज मनोनयन दर्ता

राजनिति

गृहपृष्ठ
राजनिति

सेतोपत्र डेस्क बिहीबार, कात्तिक २४, २०७९

झापा, कार्तिक २४ । उम्मेद्वारको मृत्यु भएर चुनावका सबै कार्यक्रम स्थगित भएको मोरङ ३ प्रदेश सभा ‘क’ मा आज उम्मेदवारको मनोनयन दर्ता हुने भएको छ । नेपाली कांग्रेसका तर्फबाट प्रत्यक्षका उम्मेदवार रहनु भएका शेखरचन्द्र थापाको बुधबार निधन भएपछि यो क्षेत्रमा आज फेरि उम्मेदवारको मनोनयन दर्ता गर्न लागिएको हो । मनोनायनमा नेपाली काँग्रेसले मात्रै उम्मेद्वार दर्ता गराउन पाउने छ ।

यसअघि मनोनयन दर्ता भएर चुनावी प्रचारमा रहेका उम्मेदवारहरुको उम्मेदवारी कायमै रहनेछ । निर्वाचन आयोगले सार्वजनिक गरेको कार्यतालिका अनुसार आज बिहान १० बजेदेखि दिउँसो १ बजेसम्म मनोनयन दर्ता गर्न सकिनेछ ।

उम्मेदवारको मनोनयन पत्र दर्ता भएको सूची पनि आजै अपरान्ह ४ बजेभित्र प्रकाशित हुनेछ । उम्मेदवारको विरोधमा अपरान्ह ४ बजेपछि ५ बजेसम्म सूचना दिन सकिने छ ।

उम्मेदवारको नामावली शुक्रबार फिर्ता लिन पाइने छ। उम्मेदवारको अन्तिम नामावली प्रकाशन शुक्रबार दिउँसो ३ बजेसम्म हुनेछ। उम्मेदवारलाई शुक्रबारै कांग्रेसले पाउने रुख चिन्ह दिइने आयोगले जनाएको छ । उक्त प्रदेश सभा क्षेत्रमा पनि मंसिर ४ गते नै मतदान हुने निर्वाचन आयोगले जनाएको छ ।

प्रकाशित मिति: बिहीबार, कात्तिक २४, २०७९ ०७:५६