एमालेबाट मेचीनगरको प्रमुखमा बुढाथोकी र उपप्रमुखमा उप्रेती

राजनिति

गृहपृष्ठ
राजनिति

एमालेबाट मेचीनगरको प्रमुखमा बुढाथोकी र उपप्रमुखमा उप्रेती स्थानीय तह निर्वाचन ।

सेतोपत्र डेस्क आइतबार, वैशाख ११, २०७९

झापा, बैशाख ११ । मेचीनगर नगरपालिकाको प्रमुखका लागि नेकपा एमालेले गोपालचन्द्र बुढाथोकीलाई उम्मेद्वार बनाउने निर्णय गरेको छ । प्रदेश १ का सांसद समेत रहनु भएका बुढाथोकीलाई उम्मेद्वार बनाउन गएरातिको एमाले स्थायी समिति बैठकले बिशेष सहमति गरेको एमालेस्रोतले जनाएको छ ।

यस अघि एमाले सचिवालय बैठकले प्रदेश सांसदलाई उम्मेद्वार नबनाउने निर्णय गरेको थियो । तल्ला कमिटिबाट एक मात्रै नाम सिफारिस भएका सांसदहरुका हकमा बिशेष निर्णय गर्न सकिने सचिवालयले निर्णय गरेको थियो । बुढाथोकीलाई उम्मेद्वार बनाउन पनि एमालेले बिशेष निर्णय गरेको स्रोतले बताएको छ ।

त्यस्तै उपप्रमुखमा वर्तमान उपप्रमुख मिना उप्रेतीलाई नै निरन्तरता दिने एमालेले निर्णय गरेको छ । बुढाथोकी र उप्रेतीलाई उम्मेद्वार बनाउने सचिवालय बैठकमा मध्यरातमा सहमति भए पनि निर्णय गरेर पार्टीले आधिकारिक घोषणा गर्न भने बाँकी रहेको एमालेका एक नेताले बताउनु भयो ।

प्रकाशित मिति: आइतबार, वैशाख ११, २०७९ ०९:००