दाहाल र बजगाई राप्रपाको मेचीनगर प्रमुख र उपप्रमुखको उम्मेद्वार

राजनिति

गृहपृष्ठ
राजनिति

सेतोपत्र डेस्क शनिबार, वैशाख १०, २०७९

उम्मेद्वारी घोषणा पछि प्रमुख र उपप्रमुखका उम्मेद्वारसंग अध्यक्ष लिङदेन ।

मेचीनगर, बैशाख १० । राष्ट्रिय प्रजातन्त्र पार्टीले मेचीनगर नगरपालिकाको प्रमुख र उपप्रमुखको उम्मेद्वार घोषणा गरेको छ । राप्रपाका केन्द्रिय अध्यक्ष राजेन्द्र लिङदेनले आज एक कार्यक्रमका बिच मेचीनगरको प्रमुखमा रमेश दाहाल र उपप्रमुखमा सविना बजगाई उम्मेद्वार हुने घोषणा गर्नु भयो ।

मेचीनगर ७ जोरसिमलमा आयोजित उम्मेद्वार घोषणा तथा पार्टी प्रवेश कार्यक्रममा बोल्दै अध्यक्ष लिङदेनले देशको माया हुने सबै राप्रपामा आउने लहर चलेको बताउनु भयो । राप्रपाको नेतृत्वमा नेपालबाट भ्रष्टचार पूर्ण रुपमा अन्त्य गर्ने अध्यक्ष लिङदेनले घोषणा गर्नु भयो ।
मेचीनगरको प्रमुख र उपप्रमुखको उम्मेद्वार हुनु भएका दाहाल र बजगाई २०७४ मा समेत राप्रपाका तर्फबाट प्रमुख र उपप्रमुख कै उम्मेद्वार हुनुहुन्थ्यो ।

कार्यक्रममा विभिन्न पार्टीबाट २४ जना रापप्रमा प्रवेश गरेकालाई अध्यक्ष लिङदेनले अविर लगाएर स्वागत गर्नु भएको थियो ।
बैशाख ३० गते हुने स्थानीय तह निर्वाचनका लागि भोलि अर्थात बैशाख ११ र १२ गते उम्मेद्वारी दर्ताको गर्नु पर्नेछ ।

प्रकाशित मिति: शनिबार, वैशाख १०, २०७९ १९:१७