काँग्रेस महामन्त्रीको मतगणना आज विहान ८ बजेदेखि

राजनिति

गृहपृष्ठ
राजनिति

सेतोपत्र डेस्क बिहीबार, पुस १, २०७८

काठमाण्डौ, पुष १ । नेपाली काँग्रेसको महामन्त्रीको मतगणना आज विहान ८ बजेदेखि हुने भएको छ । महामन्त्री पदका उम्मेद्वारका कारण सबैभन्दा धेरै चासोका साथ हेरिएको महामन्त्रीको मतगणना काँग्रेस केन्द्रिय पार्टी कार्यालयमा हुनेछ ।

महामन्त्रीमा युवा पुस्ताका नेताहरु विश्वप्रकाश शर्मा, गगन थापा, प्रदिप पौडेल सहित डा प्रकाशशरण महत, डा मिनेन्द्र रिजाल र राजाराम भण्डारी चुनावी मैदानमा छन । काँग्रेसको विधान अनुसार महामन्त्रीमा दुई जना निर्वाचित हुनेछन ।

काँग्रेसको १४ औं महाधिवेशनको सोमबार भएको मतदानको मतगणना निरन्तर जारी रहेको छ । यस अघि सभापति र उपसभापतिको मतगणना सम्पन्न भएको छ । सभापतिमा शेर बहादुर देउवा र दुई उपसभापतिमा पुर्णबहादुर खड्का र धनराज गुरुङ निर्वाचित भइसक्नु भएको छ ।

प्रकाशित मिति: बिहीबार, पुस १, २०७८ ०५:३९