काँग्रेस प्रदेश १ को मतगणना शुरु : सात ठाउँमा मतगणना

राजनिति

गृहपृष्ठ
राजनिति

सेतोपत्र डेस्क आइतबार, मंसिर १९, २०७८

झापा, मंसिर १९ । नेपाली काँग्रेस प्रदेश १ को हिजो सम्पन्न मतदानको मतगणना कार्य शुरु भएको छ । केही बेर अघि शुरु भएको मतगणना कार्य एकै पटक सात ठाउँमा शुरु गरिएको निर्वाचन अधिकृत भरत थापाले सेतोपत्रलाई जानकारी दिनु भयो ।

‘छिटो नतिजा निकाल्नका लागि एकै पटक सात ठाउँमा मतगणना शुरु गरेका छौं’ निर्वाचन अधिकृत थापाले भन्नुभयो, ‘दुई ठाउँमा पदाधिकारी र पाँच ठाउँमा सदस्यहरुको मतगणना शुरु भयो ।’

नेपाली काँग्रेस मोरङ पार्टी कार्यालयमा शुरु भएको मतगणनामा कुनै अवरोध नआए भोलि बिहानसम्ममा अन्तिम नजिता आउने मतदान अधिकृत थापाले बताउनु भयो ।

काँग्रेसको प्रदेश १ को सभापतिमा संस्थापन इतरका गुरुराज घिमिरेको नेतृत्वमा र संस्थापन पक्षको उद्धब थापाको नेतृत्वमा प्यानल नै बनाएर चुनावी मैदानमा छन । काँग्रेसका प्रदेश भरिबाट १७५३ जना मतदाताले प्रदेश कार्यसमिति चयनका लागि शनिबार मतदान गरेका थिए ।

प्रकाशित मिति: आइतबार, मंसिर १९, २०७८ १४:०२