कृषि बाली र पशु बिमा प्रिमियममा ८० प्रतिशत अनुदान

कृषि

गृहपृष्ठ
कृषि

सेतोपत्र डेस्क आइतबार, भदौ २७, २०७८

झापा, भदौ २७ । सरकारले कृषि बाली र पशु बिमाको प्रिमियममा दिइदै आएको अनुदान बढाएको छ । यस अघि ५० प्रतिशत रहेको कृषि बाली तथा पशु बिमा प्रिमियममा अब ८० प्रतिशत अनुदान दिने ब्यवस्था सरकारले गरेको छ ।

शुक्रबार अर्थमन्त्री जनार्दन शर्माले संसदमा प्रस्तुत गर्नु भएको अर्थ सम्बन्धी प्रतिस्थापन बिद्येयकमा कृषि बाली तथा पशु बिमा प्रिमियममा ८० प्रतिशत अनुदान दिने ब्यवस्था गरिएको छ ।

कृषि तथा पशुजन्य ब्यवशायमा जोखिम न्यूनिकरण गरी यस क्षेत्रका किसानहरुको आर्कषण बृद्धि गर्न कृषि बाली तथा पशु बिमाको दायरा बिस्तार गरी दिइदै आएको बिमा प्रिमियमको अनुदानमा साबिकको ५० प्रतिशतबाट बृद्धि गरी ८० प्रतिशत पुर्याएको बिद्येययकमा उल्लेख गरिएको छ ।
सरकारले ल्याएको नयाँ ब्यवस्थाले भर्खरै लगानी बढ्दै गरेको कृषि र पशु ब्यवशाय क्षेत्रमा लागेकाहरु उत्साहित भएका छन ।

प्रकाशित मिति: आइतबार, भदौ २७, २०७८ ०७:४०