काँग्रेस महाधिवेशन : मेचीनगर अधिवेशनका मतदाता कति ?

राजनिति

गृहपृष्ठ
राजनिति

सेतोपत्र डेस्क बुधबार, भदौ २३, २०७८

झापा, भदौ २३ । नेपाली काँग्रेसको १४ औं महाधिवेशन अन्तर्गत झापाका सबै १३१ वडाका अधिवेशन सम्पन्न भएका छन । भदौ २७ गते गाउँ नगर अधिवेशन हुने कार्यतालिका छ ।

झापाको मेचीनगर नगरपालिकाको अधिवेशन पनि भदौ २७ गते नै हुँदैछ । यस पटक कोरोना संक्रमणको जोखिमलाई ध्यानमा राखेर नेपाली काँग्रेसले क्षेत्रिय प्रतिनिधि र वडा सभापतिहरुले मात्रै नगरका पदाधिकारीहरुलाई मतदान गर्न पाउने ब्यवस्था गरेको छ ।

मेचीनगरको १५ वटा वडाबाट छनौट भएर आएका क्षेत्रिय प्रतिनिधि तथा यस अघिको प्रदेश तथा प्रतिनिधि सभामा उम्मेद्वार रहेका ब्यक्ति र वडा सभापतिहरु नगर अधिवेशनका मतदाता हुनेछन ।

मेचीनगरको वडा तहबाट क्षेत्रिय प्रतिनिधिका रुपमा छनौट भएर आउनु हुने ४८० जना, प्रदेश तथा प्रतिनिधि सभामा उम्मेद्वार रहेका ४ जना र वडा सभापतिहरु १५ जना गरी जम्मा ४९९ जनाले मेचीनगरको नगर अधिवेशनमा मतदान गर्न पाउनेछन । जसमध्ये १७२ जना महिला क्षेत्रिय प्रतिनिधिहरु हुनुहुन्छ ।

मेचीनगर काँग्रेसको दुई जना क्षेत्रिय प्रतिनिधिको संख्या घटेको छ । वडा नं. ११ र १४ मा मधेशी क्रियाशिल सदस्यहरु नभएका कारण मधेशी तर्फको एक एक जना क्षेत्रिय प्रतिनिधि कम भएको काँग्रेस मेचीनगरले जनाएको छ ।

प्रकाशित मिति: बुधबार, भदौ २३, २०७८ २०:०५