मेचीनगरको कुन वडामा कतिले लगाउन पाउँछन जोन्सन खोप ?

स्थानीय

गृहपृष्ठ
स्थानीय

सेतोपत्र डेस्क सोमबार, साउन १८, २०७८

मेचीनगर, साउन १८ । झापाको मेचीनगर नगरपालिकाले साउन २० र २१ गते जोन्सन एण्ड जोन्सन खोप लगाउने भएको छ । यस अघिको खोप केन्द्रमा हुने भिडभाडलाई कम गर्न यो पटक वडा स्तरिय खोप केन्द्र स्थापना गरी कोरोना बिरुद्धको जोन्सन खोप लगाउन लागिएको नगरप्रमुख बिमल आचार्यले बताउनु भयो ।

जिल्ला स्वास्थ्य कार्यालयबाट मेचीनगरले पाउने ५ हजार खोपलाई नगरपालिकाले वडागत रुपमा जनसंख्याको आधारमा बितरण गरेको छ । ५० देखि ५४ बर्ष उमेर समुहका ब्यक्तिलाई मात्रै लगाइने जोन्सन खोप एक मात्रा मात्रै लगाए हुन्छ । खोप लगाउने उमेर समुहका ब्यक्तिले आज र भोलि सम्बन्धीत वडा कार्यालयबाट अनिवार्य कुपन लिनु पर्नेछ । कुपन लिन जाँदा नागरिकता अनिवार्य लिएर जानु पर्ने नगरपालिकाले जनाएको छ ।

नगरपालिकाले दिएको जानकारी अनुसार निम्नानुसारको वडागत संख्याले मात्रै खोप लगाउन पाउने छन ।
वडा नं. १ २५३
वडा नं. २ २५७
वडा नं. ३ ३१३
वडा नं. ४ २२२
वडा नं. ५ २००
वडा नं. ६ ६४२
वडा नं. ७ ४८०
वडा नं. ८ २८६
वडा नं. ९ ४४६
वडा नं. १० ६२४
वडा नं. ११ १८८
वडा नं. १२ २४२
वडा नं. १३ २९६
वडा नं. १४ २२५
वडा नं. १५ ३२६