कोभिसिल्डको पहिलो मात्रा लगाएकाले दोस्रो डोज लगाउन पाउने

स्वास्थ्य

गृहपृष्ठ
स्वास्थ्य

सेतोपत्र डेस्क मंगलबार, असार २९, २०७८

काठमाण्डौ, असार २९ । कोरोना बिरुद्धको कोभिसिल्ड खोप पहिलो मात्रा लगाएर बसेका १४ लाख जेष्ठ नागरिक र अन्य ब्यक्तिहरुले दोस्रो मात्रा लगाउने पाउने भएका छन ।
जापान सरकारले नेपाललाई १६ लाख डोज अस्ट्राजेनेका खोप प्रदान गर्ने भए पछि जेष्ठ नागरिकले खोपको दोस्रो मात्रा लगाउन पाउने भएका हुन । कोभिसिल्ड र एस्टेजेनाका खोपको फर्मुला एउटै भएकाले कोभिसिल्ड खोप पहिलो मात्रा लगाएकाहरुले एस्टेजेनेका दोस्रो मात्रा लगाउन मिल्ने बिज्ञहरुले बताइसकेका छन ।

परराष्ट्र मन्त्रालय स्रोतका अनुसार कोभ्याक्स संयन्त्रमार्फत जापानले उक्त मात्राको खोप नेपाललाई दिने भएको हो । जापानले दिने प्रतिबद्धता जनाएको उक्त परिमाणको खोप नेपाल ल्याउने तयारी भैरहेको जनाइएको छ ।

जापानले मंगलबार नेपालसहितका एसियाली मुलुकहरुलाई कोभ्याक्सबाट ११ मिलियन डोज दिने जनाएको थियो । सोही हिस्साबाट नेपालले खोप प्राप्त गर्न लागेको हो ।

प्रकाशित मिति: मंगलबार, असार २९, २०७८ १४:२६