आइपुग्यो ८ लाख भेरोसेल खोप

स्वास्थ्य

गृहपृष्ठ
स्वास्थ्य

सेतोपत्र डेस्क शुक्रबार, असार २५, २०७८

फाइल फोटो ।

काठमाण्डौ, असार २५ । कोरोना बिरुद्धको भेरोसेल खोपको ८ लाख मात्रा आज बिहान काठमाण्डौ आइपुगेको छ । चीनको सिनोफार्म कम्पनीसंग नेपाल सरकारले किनेको भेरोसेल खोप लिन गएको नेपाल वायुसेवा निगमको वाइडबडी आज बिहान साढे ६ बजे त्रिभुवन अन्तराष्ट्रिय बिमानस्थलमा अवतरण गरेको छ ।

सरकारले खरिद गरेको भेरोसेल खोपको पहिलो खेप लिन नेपाल वायुसेवा निगमको वाइडबडी बिहीबार साँझ चीनको बेइजिङ पुगेको थियो । निगमका अनुसार चालकदलका १२ सदस्यसहितको जहाज खोप लिएर शुक्रबार बिहान साढे ६ बजे काठमाडौं अवतरण गरेको हो ।

पहिलो खेपमा वाइडबडीले ८ लाख डोज खोप ल्याएको छ । यो खोप नेपाल सरकारले चीनको सिनोफार्म कम्पनीसँग खरिद गरेको हो । उक्त कम्पनीसँग ३० लाख डोज खोप खरिदको सम्झौता भएको छ ।

निगमको वाइडबडी विमान यसपछि असार ३१ र साउन ७ मा बाकी खोप ल्याउन बेइजिङ जाने तालिका छ । चीन जानुअघि निगमको वाइडबडीले बिहीबार बिहान इजरायलबाट करिब १८ टन स्वास्थ्य सामग्री चार्टर गरेर काठमाडौं ल्याएको थियो ।

प्रकाशित मिति: शुक्रबार, असार २५, २०७८ ०८:४९