अब पीसीआर परीक्षणको नमूना संकलन गर्न घरमै स्वास्थ्यकर्मी पुग्ने

स्वास्थ्य

गृहपृष्ठ
स्वास्थ्य

सेतोपत्र डेस्क बिहीबार, जेठ ६, २०७८

तस्वीर : गुगल ।

काठमाण्डौ, जेठ ६ । सरकारले पीसीआर परीक्षणको स्वाब सङ्कलन गर्ने मापदण्ड जारी गरेको छ । राष्ट्रिय जनस्वास्थ्य प्रयोगशालाले घरमै पीसीआर गर्न ‘घरमै पीसीआर परीक्षणका लागि नमूना सङ्कलन गर्नेसम्बन्धी मापदण्ड–२०७८’ जारी गरेको हो । मापदण्ड अनुसार अब बिरामी वा व्यक्तिलाई कोभिड–१९ को पीसीआर परीक्षण गराउनका लागि अस्पताल वा प्रयोगशाला धाउनुपर्ने बाध्यता हटेको छ ।

राष्ट्रिय जनस्वास्थ्य प्रयोगशालाले घरमा आएर स्वास्थ्यकर्मीले पीसीआर परीक्षणको स्वाब सङ्कलन गर्ने मापदण्ड जारी गरेपछि अस्पताल वा प्रयोगशाला जानुपर्ने बाध्यता हटेको हो । कोही बिरामी वा कसैलाई इच्छा लागेमा स्वास्थ्यकर्मीलाई घरमै बोलाएर पीसीआर परीक्षणका लागि स्वाब दिनसक्ने व्यवस्था मापण्डमा गरिएको हो । यसअघि पीसीआर परीक्षणका लागि प्रयोशगाला वा अस्पताल जानुपर्ने थियो ।

प्रयोगशालाका सूचना अधिकारी राजेश गुप्ताले मापदण्ड लागू गरेपछि अब कोही पनि व्यक्तिले पीसीआर परीक्षणका लागि घरमा नै स्वास्थ्यकर्मी बोलाउन सक्ने बताउनुभयो । उहाँले बिरामी भएको वा सङ्क्रमणको लक्षण देखिएका व्यक्तिलाई प्रयोगशालाबाट खट्ने स्वास्थ्यकर्मीले घरमै आएर पीसीआरका लागि नमुना सङ्कलन गर्ने बताउनुभयो । यसरी घरमा नै बोलाएर पीसीआर गर्दा तोकिएको शुल्कमा अतिरिक्त ५ सय लाग्ने पनि उहाँले जानकारी दिनुभयो ।

प्रकाशित मिति: बिहीबार, जेठ ६, २०७८ १८:१२