तोकिएका सहरका बिद्यालय बन्द हुने क्षेत्र आज निर्णय हुँदै

स्थानीय

गृहपृष्ठ
स्थानीय

ज्ञानेन्द्र निरौला मंगलबार, वैशाख ७, २०७८

मेचीनगर, बैशाख ७ ।
कोरोना संक्रमण नियन्त्रणका लागि सरकारले सहरी क्षेत्रका शैक्षिक संस्थामा पठन पाठन बन्द गर्ने निर्णय गरे अनुसार मन्त्रिपरिषदबाट तोकिएका सहरका कुन क्षेत्रका बिद्यालय बन्द हुने भन्ने बिषयमा जिल्ला कोभिड १९ विपद ब्यवस्थापन केन्द्र (डिसिसिएमसि) ले आज निर्णय गर्ने झापाका प्रमुख जिल्ला अधिकारी श्रवणकुमार तिम्सिनाले सेतोपत्रलाई जानकारी दिनु भयो ।

केन्द्रका अध्यक्ष समेत रहनु भएका प्रमुख जिल्ला अधिकारी तिम्सिनाले सेतोपत्रसंग कुरागर्दै भन्नुभयो, ‘मन्त्रिपरिषदको निर्णयका आधारमा गृह मन्त्रालयको पत्र प्राप्त भएको छ, उक्त पत्रको आशयका आधारमा आज निर्णय गर्छौ ।’

आज दिउँसो डिसिसिएमसिको बैठक बसेर सरकारले तोकेको सहरको कुन क्षेत्रका बिद्यालयको पठन पाठनलाई भर्चुअल गर्ने भन्ने बिषयमा निर्णय गरिने प्रमुख जिल्ला अधिकारी तिम्सिनाले बताउनु भयो ।
सरकारले झापाका मेचीनगर, बिर्तामोड र दमक सहित देशभरका सहरी क्षेत्रका बिद्यालय बन्द गर्ने निर्णय गरेको छ ।

प्रकाशित मिति: मंगलबार, वैशाख ७, २०७८ ०८:११