मुख्यमन्त्री राईविरुद्ध अविश्वासको प्रस्ताव पेश

राजनिति

गृहपृष्ठ
राजनिति

मुख्यमन्त्री राईविरुद्ध अविश्वासको प्रस्ताव पेश प्रदेश १ को प्रदेशसभा बैठक

सेतोपत्र डेस्क आइतबार, फागुन ९, २०७७

अविश्वासको प्रस्ताव सदनमा पेश गर्दै आङ्बो ।

सत्तारुढ दल नेकपा ओली समूहको असन्तुष्टिका बीच प्रदेश १ को प्रदेशसभामा मुख्यमन्त्री शेरधन राईविरुद्ध अविश्वासको प्रस्ताव पेश भएको छ । राईविरुद्ध प्रचण्ड–नेपाल समूहले १२ पुसमा अविश्वासको प्रस्ताव दर्ता गरेको थियो । तर ओली समूहले नेकपा राजनीतिक रुपमा फुटे पनि कानूनी रुपमा नफुटेको भन्दै बैधानिकताबारे प्रश्न गर्दै आएको थियो ।

आज पनि बैठक अघि मुख्यमन्त्री शेरधन राईले सभामुखलाई पत्र पठाएर यसबारे स्मरण गराउनुभएको तर सभामुख प्रदीपकुमार भण्डारीले बैठक राख्नुभयो र उक्त बैठकमा मुख्यमन्त्री विरुद्धको अविश्वास प्रस्ताव पेश भएको छ । अलि ढिलो गरी शुरु भएको सदनमा अविश्वासको प्रस्तावको प्रस्तावक इन्द्र बहादुर आङ्बोले आजको सदनमा प्रस्तुत गर्नु भएको थियो ।

अविश्वास प्रस्ताव पेश भएपनि बैठक भने स्थगित भएको छ । अविश्वासको प्रस्ताव पेश भए लगत्तै सभामुख भण्डारीले फागुन २० गतेसम्मका लागि सदनको बैठक स्थगित भएको जानकारी गराउनु भयो ।

प्रकाशित मिति: आइतबार, फागुन ९, २०७७ १८:४०