इलाम २ मा मदिरा बिक्री वितरणमा प्रतिबन्ध

देश

गृहपृष्ठ
देश

इलाम २ मा मदिरा बिक्री वितरणमा प्रतिबन्ध

सेतोपत्र डेस्क आइतबार, वैशाख २, २०८१

झापा, वैशाख २ । वैशाख १५ गते प्रतिनिधि सभा सदस्य उपनिर्वाचन हुन लागेको इलाम–२ का सम्पूर्ण क्षेत्रमा निर्वाचनलाई लक्षित गरी मदिरा बिक्री वितरणमा प्रतिबन्ध गरिएको हो । जिल्ला प्रशासन कार्यालय इलामले यही वैशाख २ गते अर्थात आजदेखि वैशाख १५ पछिको मतगणना नसकुञ्जेलसम्म मदिरा बिक्री–वितरणमा प्रतिबन्ध लगाएको इलामका प्रमुख जिल्ला अधिकारी इन्द्रदेव यादवले जानकारी दिनुभयो ।

निर्वाचनपूर्व, निर्वाचन र निर्वाचनपछिको समयमा शान्ति–सुरक्षामा असर पर्ने भन्दै मदिराजन्य पदार्थ बिक्री–वितरण एवं सेवन गर्न रोक लगाइएको हो । जिल्ला प्रशासन कार्यालयले सूचना जारी गर्दै यदि मदिरा प्रयोग एवं बिक्री वितरण गरेको पाइएमा कानुनअनुसार कारबाही गरिने बताइएको छ । शान्ति सुरक्षालाई मध्यनजर गरेर गरिएको यस कार्यलाई सहयोग गर्न जिल्ला प्रशासन कार्यालय इलामले सम्पूर्णमा आग्रह गरेको छ ।

प्रकाशित मिति: आइतबार, वैशाख २, २०८१ ०७:३६

प्रतिक्रिया दिनुहोस्