प्रदेश १ : कांग्रेस संसदीय दलको नेता छनोट निर्वाचनबाट हुने संकेत

देश

गृहपृष्ठ
देश

प्रदेश १ : कांग्रेस संसदीय दलको नेता छनोट निर्वाचनबाट हुने संकेत

सेतोपत्र डेस्क बुधबार, पुस ६, २०७९

झापा,पौष ६ । प्रदेश १ मा नेपाली कांग्रेस संसदीय दलको नेता छनोटका लागि निर्वाचन हुने संकेत देखिएको छ ।

आकांक्षीहरुले दाबी नछाडेका कारण सहमतिको सम्भावना लगभग सकिएको नेताहरुको भनाई छ । प्रदेश १ सभापति तथा संसदीय दलको नेताका आकांक्षी उद्धव थापाले निर्वाचनको सम्भावना रहेको बताउनुभयो ।

प्रदेश १ को संसदीय दलको बैठक ११ गते भित्र बस्ने र त्यसले निर्वाचन समिति बनाएपछि प्रक्रिया अघि बढ्ने उहाँको भनाई छ । प्रत्यक्षमा १७ र समानुपातिकमा १२ सिट गरि प्रदेश सभामा कुल २९ सदस्य रहेको काँग्रेसमा संसदीय दलको नेतामा चार जना आकांक्षी छन् ।

संस्थापन पक्षबाट केन्द्रीय सदस्य अमृत अर्याल, कृष्णप्रसाद सिटौला पक्षबाट प्रदेश १ सभापति थापा र भीम पराजुली संसदीय दलको नेताको आकांक्षी देखिनुभएको छ । त्यस्तै डा. शेखर कोइराला प्यानलबाट केदार कार्की दलको नेताको दाबेदार हुनहुन्छ ।

प्रकाशित मिति: बुधबार, पुस ६, २०७९ १५:२४

प्रतिक्रिया दिनुहोस्