प्रदेश नं. १ का वनमन्त्री थापाको निधन

देश

गृहपृष्ठ
देश

प्रदेश नं. १ का वनमन्त्री थापाको निधन

सेतोपत्र डेस्क बुधबार, कात्तिक २३, २०७९

झापा,कात्तिक २३ । प्रदेश नं. १ का वनमन्त्री शेखरचन्द्र थापाको निधन भएको छ ।

डेंगु संक्रमित थापाको नोबल अस्पतालमा उपचारको क्रममा निधन भएको हो । नेपाली कांग्रेसको तर्फबाट मोरङ क्षेत्र नं. ३ को १ का प्रदेश सभा सदस्य उम्मेदवार समेत रहनुभएका थापा डेंगु संक्रमित भएपछि १ महिनादेखि उपचाररत अवस्थामा रहनुभएको थियो ।

डेंगु संक्रमण पछि गम्भीर प्रकारको निमोनिया र पायल्ससमेत देखिएर स्वास्थ्य अवस्था नाजुक भएपछि थापालाई काठमाडौंको ह्याम्स अस्पतालमा भर्ना गरिएको थियो ।

काठमाडौंमा उपचार पछि स्वास्थ्य अवस्था ठीक बन्दै गएपछि विराटनगर ल्याइएको थियो । थापाको निधनपछि त्यो क्षेत्रमा कांग्रेसको उम्मेदवारका विषयमा निर्वाचन आयोगले निर्णय गर्ने छ।

निर्वाचन अधिकृतको कार्यालयले निधनका विषयमा निर्वाचन आयोगलाई जानकारी गराएपछि आयोगले अरु गतिविधि स्थगित गरी कार्यतालिका बनाएर मनोनयन लगायतका प्रक्रिया अघि बढाउने प्रदेश १ निर्वाचन कार्यालयले तयारी गरेको छ ।

प्रकाशित मिति: बुधबार, कात्तिक २३, २०७९ १२:४१

प्रतिक्रिया दिनुहोस्