संघीय निजामती सेवा ऐन छिट्टै जारी हुन्छ : प्रधानमन्त्री देउवा

देश

गृहपृष्ठ
देश

सेतोपत्र डेस्क शनिबार, फागुन २१, २०७८

काठमाण्डौ, फागुन २१ । प्रधानमन्त्री शेरबहादुर देउवाले राजनीतिक आस्थाका आधारमा कुनै भेदभाव नगरी जनताको सेवा गर्न निजामती कर्मचारीलाई आग्रह गर्नुभएको छ । आज काठमाडौंमा नेपाली काँग्रेसको कर्मचारी युनियनको आठौँ महाधिवेशनमा प्रधानमन्त्री देउवाले यथाशीघ्र संघीय निजामती सेवा ऐन जारी गर्ने प्रतिबद्धता समेत व्यक्त गर्नुभयो । उहाँले राज्यका स्रोत साधान सम्पत्तिको सुरक्षा गर्ने निजामती कर्मचारी अहिलेको आवश्यकता रहेको बताउदै मुलुकको स्थायी सरकारको रुपमा रहेको निजामती कर्मचारीहरुको देश अगाडि बढ्न महत्वपूर्ण भूमिका रहेको पनि बताउनुभयो ।

प्रधानमन्त्री देउवाले राष्ट्रसेवक कर्मचारीको व्यवहार सरकारको व्यवहार हुने भएकोले जनताप्रति प्रतिबद्ध भएर काम गर्नुपर्ने, सुशासनले नै मुलुकको विकास हुने भएकोले कर्मचारीहरू मर्यादित र जिम्मेवार हुन आवश्यक रहेको धारणा राख्नुभयो । कुनैपनि सरकारको योजनाको सफलता कर्मचारीमा निर्भर रहेको बताउँदै उहाँले राज्यलाई अगाडि बढाउनका लागि निजामती कर्मचारी मर्यादित र अब्बल रहनुपर्नेमा जोड दिनुभएको थियो ।

प्रकाशित मिति: शनिबार, फागुन २१, २०७८ २०:२६